Popular Bible Verses from Loma 2

Share

Naani a tama ke fini yua n ja yaaba n tiendi laa bonbuolu buudi, ki nan tiendi la fini a ba yeni, ke a baa cia U Tienu bujiale? Bi a fali o ŋanbicianli, o yansoangima leni o juunli, ki naa faami ke U Tienu tieni a po li ŋanbili , ki bua ki gobidi a, ŋan tuo ki lebidi a yama yo?

Fini, ŋan tie yua kuli, ki ja a lielo buudi, a kan baa ŋan baa tabi yaala ki gaa a yuli. Ŋan ja nitoaba buudi yeni, a cuo a yuli, kelima amoko tiendi nani bani yene.

U Tienu naa tiendi gagidima bi niba siiga.

Laa tie yaaba n cengi li bali maama ka tiegi U Tienu nintuali, ama yaaba n tiendi li bali maama n bili yaala, bani n tie bi niteginkaaba.

Landaali, U Tienu baa pa nilo kuli nani o tuona n den tie maama.

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia bi buudi leni li pabienli.

Ama, a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli, wan baa jia bi niba buudi leni mi teginma yaa daali. Lani, a baa cuani a yuli po yaa cuonu n bia ki cie.