Popular Bible Verses from Mi Doagidima 22

Share

N tie Alifa leni Omega, o kpialo leni o juodika, mi cilima leni mi juodima.

Jesu yedi: «Diidi, n cuama kan go waagi. N baa cua leni n panpaani, ki pa yuakuli nani o tuona n tie maama.

Mi Fuoma leni o Puocaano kuli yedi: «Cua na!» Yua n gba kuli moko n yedi: «Cua na!» U ñuñuunu n pia yua kuli, n cua. Yua n bua kuli n cua, ki yaa ñu li miali ñima, ke panpaani ki ye.

Li pamanli ye leni yaaba n ŋuudi bi liada, ke ban baa ki yaa di li miali tibu bonluonkaala, ki go yaa tagi ki kua u dogu buliñoana kani.

O yedi: «Diidi, n cuama kan waagi. Li pamanli ye leni yua n tuo ki kubi li naa tili saawalipua-maama.»

Ku ñiagu kan go yaa ye. O naacenba kan go bua u yienu yenma, ki bagi ki fidisanga yaama, kelima o Diedo U Tienu baa yaa yendi ba. Bi baa yaa die hali yaa yogunu kuli.

Yua n saa i moamoani yaa bonla n tie ne po yedi: «Yeni de! N cuama kan waagi.» Amina, ŋan cua, o Diedo Jesu! O Diedo Jesu yaa ŋanbili n yaa ye leni yikuli.

N tuodi ki waani yua n gbadi li naa tili saawalipua-maama kuli line: «O nilo yaa pugini lipo bonliba, U Tienu baa pugini o panpaani po yaa falabiadi n diani li naa tili nni. O nilo yaa ñani bonliba li naa tili saawalipua-maama nni, U Tienu baa ñani o biinu li miali tibu leni u dogagidiŋamu nni, ban maadi yaala yaa maama li naa tili nni.»