Popular Bible Verses from Mi Coadima 16

Share

Ama o Diedo yaa tieni bonlidinkaala, o yaa teni ke ki tinga yaadi ki ñoabu ki nali ba leni bi bonpiakaala kuli, ke bi jiidi bi tinkpiba yekaanu nni, ki fo, yi baa bandi ke bi naa niba fali o Diedo.» Musa n den li maadi ki gbeni laa maama yaa yogunu yo, ke Datan leni Abirami n den se yaa kaanu, den pudi ki yagidi. Ki tinga den yaadi ki ñoabu ki bolini ba, bani, bi diedi leni Kore niba leni bi bonpiakaala kuli.

Levi buolu yua yendo den ye ki yi Kore, ki tie Kehati buolu, Yitisehari bijua. O den ye leni Rubeni buolu nibitaa, lani n tie Eliabi bijaba Datan, Abirami leni Peleti bijua Oni. Bi den fiini mi yiema Musa po. Isidayeli yaaba yudanba siiga, niba kobilie n piimuu, yaaba n den tie nikpiaga ki caa a taana, mo den ŋoadi bi puoli.