Popular Bible Verses from Mi Coadima 14

Share

Bonyenla bebe n ye: Yin da fiini yiema o Diedo po. Yin da jie laa diema niba, kelima bi baa tua ti po bonjekaala. Baa pia kuli yaala n guu ba, ama o Diedo ye leni ti, yin da jie ba mani!»

‹Mini o Diedo pali ki be tontoni, die n pia li ŋanbili boncianla, ki puuni sugili ti tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi, hali nifiimitaa, bi nifiiminaa.›

O Diedo pali yaa mani ti po, o baa kuani ti laa diema nni, ki pa ti ma. Mi tie mi naaŋanma leni ti siadi n dua yaa diema yaa niinni.

Ama nani n naacemo Kalebi n pia yantiatoali yeni, n baa teni wan kua wan den gedi ki goandi yaa diema yeni niinni, o puoliŋuani mo n diedi ma, kelima o den ŋoadi n sanu bonŋanla.

Yedi ba daa, ke mini o Diedo yua n fo yedi: ‹N baa soani yi nani min den gbadi ke yi yedi maama.

Lani, o Diedo den yedi Musa: «Bi naa niba baa fali nni, ki ban dagini hali u laa yogune? Ba leni min tieni bi siiga yaa bancianma kuli, bi baa luo n po ti dugidi, hali ki ban dagini u laa yogune?

Isidayeli yaaba kuli den yenbidi Musa leni Alono po, ke li nitaanli kuli den yedi ba: «Be yaa po yo ke tii den kpe Ejipiti diema po, bi yaa fanpienma n tie ne niinni?

Lani, yaaba n den ban gaani ki diidi mi diema yeni siiga, Nun bijua Josue leni Yefune bijua Kalebi den padi bi tiayiekaadi, ki den maadi leni Isidayeli nitaanli kuli, yaa maama n tie ne: «Tin ban gaani ki diidi yaa diema yeni, tie yaama n ŋani hali hali boncianla.

Ama n ye ki fo, n kpiagidi gbieni ki tinga kuli. Yaa niba n laa n kpiagidi kuli leni min tieni yaa bancianma Ejipiti leni mi fanpienma nni, ki go biigi nni taalima piiga, ki naa cengi n maama yeni, bani kuli kan le, min den poli ki niani bi yaajanba, ke n baa pa ba yaa diema yeni. Yaaba n fali nni yeni kuli, kan le ma.