Popular Bible Verses from Mi Coadima 13

Share

Ku niligu den yenbidi Musa po, ke Kalebi den teni ke bi suo, ke o yedi: «Tin gedi mani, ki ban baa mi diema yeni, ki diedi ma, kelima ti pia u fidu ke li dagidi, ki baa fidi ki paadi ma.»

Ti den laa ti niciandi buolu, Anaki puoliŋuani, ti niciandi yeni. Ti den nua ti yula nani i naaci yene bi kani, bimoko den nua ti yene.»

Ama yaa niba n den yegi leni o ki gedi, den yedi: «Ti kan fidi ki tuogi leni laa niba bu toabu, kelima bi pia u fidu ki cie ti.»

Lani, bi den cili ki maadi Isidayeli yaaba kani, ki sugidi ban den gaani ki diidi yaa diema yeni niba. Bi den yedi: «Tin ban gaani, ki diidi yaa diema yeni, tie yaa diema n di yaa niba n ye mi niinni. Tin laa yaa niba likani kuli, tie jaciandi.

Ban den togidi Musa yaala, den tie line: «Ti gedi ŋan den soani ti yaa diema po. I moamoani, mi tie mi naaŋanma leni ti siadi n dua naani. Diidi, lipo bonluonkaala nne.

Ama yaa niba n ye mi niinni pia u fidu. I dogi mo tie docianmoani, ki pia i bilini, ke i lindi ki cebini bonŋanla. Ti laa, ba ku jaciangu Anaki puoliŋuani moko likani.

Amaleki buolu kaa mi diema ganu po, Hititi, Jebusi leni Amori yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Jurden kpenu boanjaana.»

Bi den lebidi ki guani Paran fanpienma nni. Bi den guani ki taani, Musa, Alono leni Isidayeli yaaba kuli nitaanli, Kadesi dogu nni. Bi den togidi bikuli ban ban laa yaala, ki go waani mi diema yeni bonluonkaala.