Popular Bible Verses from Mi Ñama 5

Share

Lani n pendi, Musa leni Alono den gedi Faraon kani ki yedi o: «Li Miali Diedo Isidayeli Tienu yedi: ‹Cedi n niba n gedi mi fanpienma nni, ki ban tieni n po mi jaanma.› »

Hali min gedi Faraon kani ki maadi leni o a yeli nni, o faligidi laa niba. Amo nan daa faabi a niba hali moala.»

Musa den guani o Diedo kani ki yedi o: «N Diedo, be yaa po ke a faligidi bi naa niba? Be yaa po ke a soani nni?

Faraon den yedi: «Li Miali Diedo tie ŋme yo ke n baa tuo ki ŋoadi o maama, ki cedi Isidayeli yaaba n gedi? Mii bani Li Miali Diedo, n kan tuo Isidayeli yaaba n gedi mo.»

Ama ba yeni, yi baa teni ban pua i tankonkuomi lan pundi ban den kpa pua yaa banlu, yi kan wadi yi bi po ba waamu. Bi tie kpadijedanbe, lani yaa po yo ke bi cua ki yedi: ‹Tin gedi ki ban padi ti Tienu po a pada.› Yin teni li tuonli n gbadi ba, ban kuani bi yama li niinni. Yeni, bi kan go cengi ban pua ba yaa faama.»