Popular Bible Verses from Mi Ñama 12

Share

Laa ñiagu, n baa ña ki gaani Ejipiti diema nni kuli. N baa pua Ejipiti diema bonjakpiala kuli, ki cili leni bi niba, ki ban taani leni ti yandi kuli. N baa jia ti buudi leni Ejipiti yaaba tieni kuli. Mini n tie Li Miali Diedo. Mi soama baa yaa tie mi maalima yin ye yaa diedi nni. N baa le mi soama ki pendi ki ŋaa yi. Lani, o falabiado kan baa yi min baa pua Ejipiti diema yaa yogunu.

Yi baa kubi landaali tiadima. Yi baa yaa tiendi u badu ki jigindi o Diedo, kelima laa tiadima po. Yi baa yaa tiendi laa badu, wun tua yi po yaa bogidili n baa yaa ye, nifiima n tuu nifiima.

Yi bila yaa buali yi, li naa bogidili bundi yi po be? Yi baa guani ki yedi ba: ‹Li tie mi Pendima jaanma padili, yaali n kpiagidi o Diedo, yua n den pendi ki ŋaani Isidayeli yaaba diedi, wan den pua Ejipiti yaa yogunu, ki faabi Isidayeli yaaba diedi.› » Isidayeli yaaba den gbaani ki pugi o Diedo.