Popular Bible Verses from 1 Pieri 1

Share

U Tienu ti Diedo Jesu Kilisiti yaa Baa n baa ti pagidi! O ninñingbadicianma po teni ke ti pia li miapanli leni yaa suginma n fo kelima Jesu Kilisiti fiima bi tinkpiba siiga yaa po. Ti guu U Tienu n bili ti po yaa ŋalimano tanpoli po, yua n kan bodi, ki kan joagini , ke o ŋamu mo kan yindi.

Lanwani, mangi mani yi pala boncianla, ba li yaa tie tiladi, ke biigima buoli boncianla teni ke yi ye leni li pabiidili u yogunu waamu po moala. Laa bonla cua ki baa doagidi yi dandanli n moani maama. Wula, ba ke o tie bonmoanla, baa fidi ki biidi. Ama bi yen biigi o leni u mu. Li tie yenma leni yi dandanli, yaala n tie bonmoanla ki cie wula, ban baa biigi yaali ki bandi lin moani maama. Lani n tie yin baa ti pagidi, ti kpiagidi leni ti jigidi Jesu Kilisiti n baa doagidi yaa yogunu.

Ama, nani yua n yini yi n gagidi ki ŋani maama, yimo n gagidi ki yaa ŋani yeni, yi tagi kuli nni. Li diani ki yedi: «Yin gagidi ki yaa ŋani, kelima mini, n gagidi ki ŋani.»

Yin yaa tie yaa bila n tuodi ki tiendi U Tienu n yedi yaala, ki da go ŋua yin den kpa pia yaa bonbuaka-biadila, yi yama n den pii yaa yogunu.

Lani yaa po yin bogini, yi yantiana mo n yaa se kaanyendu, ki bili yi suginma yin baa baa yaa ŋanbili nni, Jesu Kilisiti n baa doagidi yaa yogunu.

Li diani: «Bi nisaaliba kuli tie nani ti muadi yeni, Bi kpiagidi kuli mo tie nani ti muadi puuma yeni. Ti muadi kuodi ke ti puuma mo suodi, Ama o Diedo maama baa yaa ye hali yaa yogunu kuli.» Laa maama tie ban den wangi yi yaa Laabaaliŋamo.