Popular Bible Verses from 1 Jan 4

Share

Mi buama naa pia ti jawaandi. Yaa buama n ŋani cain deli ki ñani ti jawaandi, kelima ti jawaandi ye kelima u cuonu n ye. Ti jawaandi n pia yua daa pia mi buama ke li dagidi.

N bibuadimu, yi tie U Tienu yaaba. Yi paadi bi saawalipua-faadanba, kelima yua n ye yi niinni pia u paalu ki cie yua n ye ŋanduna nni.

Tinba, ti bua o kelima wani n den kpa bua tinba.

N buakaaba, tin yaa bua mani tiyaba, kelima mi buama ña U Tienu kane. Yua n pia mi buama kuli, U Tienu mali o, omo bani U Tienu.

Yua n ki pia buama daa bani U Tienu, kelima U Tienu tie buama.

Mi buama yeni naa tie ke tinba ka den bua U Tienu, ama mi tie ke wani n den bua ti, ki soani o Bijua ke o tua i candanbaani padili ti yaa tuonbiadi po.

N buakaaba, U Tienu yaa bua ti yeni, li pundi timo n yaa bua tiyaba.

U Tienu n den doagidi o buama ti po maama n tie line: U Tienu den soani o Bijayenyenga ŋanduna nni ke tin yaa pia li miali kelima o po.

O nilo yaa tua ke o bua U Tienu, ki nan nani o kpiilo, o tie tuofaadaano, kelima yua n naa bua o kpiilo wan nua yua, o baa gaa lede ki bua U Tienu wan ki nua yua.

Yua n tuo ke Jesu tie U Tienu Bijua kuli, U Tienu ye o niinni, omoko ye U Tienu yaa niinni.

Tin baa Kilisiti kani yaa bali maama tie mine: Li pundi ke yua n bua U Tienu n yaa bua o kpiilo moko.

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni. Line n baa teni yin bandi yua n pia U Tienu Fuoma Yua: Yua n tuo ke Jesu Kilisiti den cua ki tie nisaalo kuli pia U Tienu Fuoma Yua.

Yua n nia ke Jesu ki den tie nisaalo kuli, waa pia U Tienu Fuoma Yua. Ama o pia Kilisiti yieka yaa yantiali. Yi den gbadi ke Kilisiti yieka baa cua, baa moala o ye ŋanduna nni.