Popular Bible Verses from 1 Korenti 15

Share

Lanwani n kpibuadiba, yin yaa se mani bonŋanla ki da lengidi. Yin yaa suagi mani liiga o Diedo tuonli nni yaa yogunu kuli, ki bani ke yi tuonli o Diedo po kan tua fanma.

Ama tin tuondi U Tienu yua n teni ke ti paani li bonla kuli, kelima ti Diedo Jesu Kilisiti po.

Lan da boani yi: “U yeginbiadu n baa biidi li yantiaŋanli.”

U Tienu ŋanbili po yo, ke n tua min tie yua na. O ŋanbili n po naa tua fanma, li teni ke n soani ki cie Jesu tondiba kuli. Laa tie mini n ba ka soani yeni, ama U Tienu ŋanbili n tuuni leni nni.

Mi kuuma, a paalu ye le? Mi kuuma, a bonjunkaala go ye le? Mi kuuma bonjunkaala n tie ti tuonbiadi. Ti tuonbiadi paalu mo n tie li bali maama .

Diidi mani, n baa doagidi yi po li bondoaginkaala. Tikuli ka baa kpe. Ama tikuli baa lebidi. Li baa tieni yenma nani ku nungbangu kabima yeni, o kakaci-juodika yaa piebi yaa yogunu. Kakaci yaa piebi, yaaba n kpe baa fii, ki kaa go pia mi bedima, lani, timo baa lebidi.

Lanwani, kelima mi kuuma n den cua kelima o nisaalo yaa po, yeni moko bi tinkpiba fiima cua kelima niyendo yaa po. Nani bi niba kuli n kpe kelima Adama po maama, yeni bi niba kuli go baa baa li miali kelima Kilisiti yaa po.

Li tie tiladi ti naa gbanandi yaadi n baa bedi, n lebidi ki tua yaadi n kan bedi. Li tie tiladi ti naa gbanandi yaadi n baa kpe, n lebidi ki tua yaadi n kan kpe.

Kelima li tie tiladi ke Kilisiti n yaa die hali U Tienu n teni wan ŋmaa o yibalinba o taana tiipo. Wan baa juodi ki bolini yaa yibali tie mi kuuma.