Popular Bible Verses from LOMA YAABA 6

Share

Kelima ti tuonbiadi panpaani tie mi kuuma, ama U Tienu * ŋanbili-paabu tie yaa miali n kan gbeni ti Diedo Jesu Kilisiti nni.

Ti tuonbiadi kan go yaa die yi, kelima U Tienu * balimaama ki go die yi, ama o * ŋanbili n die yi.

Lanwani tin den batisi yeni, bi den taani ki piini ti leni o o kuuma nni, ke nani ti Baa U Tienu kpiagidi paalu n den teni ke Kilisiti fii bi tinkpiba siiga maama, ti moko baa ye leni li miapanli yene.

Yin da go teni ti tuonbiadi n diedi yi gbananbuoli, ke ti tuonbiadi n taa ki yaa tiendi mi biadima. Ama yin teni U Tienu yi yula nani yaaba n fii bi tinkpiba siiga ki go ye ki fo yeni. Yin yaa puuni mani yi gbananbuoli U Tienu ki yaa tiendi yaala n tiegi.

Ti bani ke bi den joani ti tagikpelu leni Kilisiti li * dapoanpoanli po ke u kpe, ke ti gbanankpiadi, ti tuonbiadi n die yaadi, kan go fidi liba, ke tin da go tie ti tuonbiadi yonbi.

Yi moko n yaa nua mani yi yula ke yi kpe ki paadi leni ti tuonbiadi, ki nan ye ki fo U Tienu po Jesu Kilisiti nni.

Lanwani ti baa yedi lede? Naani tin suagi ki yaa tiendi ti * tuonbiadi ke U Tienu * ŋanbili n yaa dua tipo bi? Kalam. Tinba yaaba n den kpe ki paadi cain leni ti tuonbiadi, ti baa ga lede ki go yaa ye ti tuonbiadi nni?

Yii bani ke yin teni yua yi yula nani i yonbi yeni ki tuo ki ŋua o maama kuli, yi tie o yonbi kaa? Li yaa tie ti tuonbiadi yaadi n baa yuandi ki cuani mi kuuma, bi U Tienu tuoma yaama n baa yuandi ki cuani yipo li * moamoansaali.

Tin yaa tuondi mani U Tienu kelima baa ke yi den kpa tie ti tuonbiadi yonbi, yi den tuo leni payenli ki ŋoadi ban den bangi yi yaa bangima. Lanwani yi den faabi leni ti tuonbiadi yonbidi ki tua mi * teginma yaa yonbi.