Popular Bible Verses from LOMA YAABA 5

Share

Ama U Tienu wani n tieni yaala ki doagidi o buama tipo tie ke tin da den tie ti tuonbiadi danba yaa yogunu, Kilisiti den kpe tipo.

Mi suginma yeni kan boandi ti kelima U Tienu yaa buama gbieni ti pala kelima U Tienu Fuoma Yua, wan puni ti yua yaa po.

Lani bebe ka, ti pia li pamancianli tin ye yaa fala nni moko, kelima ti bani ke fala baa teni tin bangi li juunli. Li juunli baa teni tin yaa se ke li pa mi biigima siiga. Ti yaa se ke li pa mi biigima siiga, li baa teni tin yaa pia mi suginma.

Lanwani, tin baa li * moamoansaali kelima li * dandanli yaa po yeni, ti pia mi yanduanma leni U Tienu kelima ti Diedo Jesu Kilisiti yaa po. Li tie kelima li dandanli Jesu po n teni ke ti baa U Tienu * ŋanbili, tin se yaali yaa niinni bonŋanla. Ti go pia li pamancianli kelima ti sugini ke ti baa taani leni U Tienu o kpiagidi nni.

U Tienu n den bili yaa yogunu n den pundi, tin kaa den fidi ki todi ti yula yaa yogunu, Kilisiti den kpe ti * tuonbiadi danba po.

Tin baa li moamoansaali kelima Kilisiti soama po yeni, laa pia kuli tama ke ti baa faabi leni U Tienu pabienli kelima wani Kilisiti yaa po.

Nani niyendo yaa yiema n den teni ke bi niba boncianla tua ti tuonbiadi danba maama, li go tie yeni, niyendo yaa tuoma baa teni niba boncianla n baa li moamoansaali.

Laa tie lani bebe ka, ama ti pia li pamancianli U Tienu nintuali kelima ti Diedo Jesu Kilisiti po, yua n teni ke ti mangi leni U Tienu.