Popular Bible Verses from TESALONIKA YAABA TILIELI 2

Share

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

Ti kpiiba, o Diedo buakaaba, li pundi tin yaa tuondi U Tienu yipo yogunu kuli, kelima o den gandi yi hali mi cilima mi * tindima po kelima o Fuoma yaa gagidiŋanbima po leni li * dandanli i moamoani nni yaa po.

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

Ti Diedo Jesu Kilisiti wani oba, leni ti Baa U Tienu yua n den bua ti, ki puni ti kelima o * ŋanbili po yaa baagi n ki pia mi gbenma leni yaa suginma n ŋani, n yaa baagidi yi pala ki teni yin yaa se ke li pa yaala n ŋani tienma nni leni mi maama nni kuli.

Li tie lani yaa po yo ke U Tienu baa soani bikani yaa paalu n baa teni ban yaadi ki daani mi faama.

Sutaani paalu baa teni mi biadima daano yeni n cua leni mi bancianma boncianla leni sinankeeninba leni mi faama bonlidikaala buoli kuli. O cuama go baa yegi leni mi biadima yaa boandi kuli ki boandi yaaba n baa bodi kelima baa den bua i moamoani ke ban baa mi * faabima.

Baa moala mi biadima yeni ye ŋasiili nni ki tuuni mi tuonli. Li da baa tie yeni hali yua n yiedi mipo n ti ña likani.