Popular Bible Verses from KOLINTA YAABA TILIELI 5

Share

O nilo yaa ye Kilisiti nni, o tie tagipanma, li bonkpelila pendi, li bonla kuli tua bonpanla.

Wani Kilisiti yua n ki den bani tuonbiadi, U Tienu den teni ke o tua ti tuonbiadi tinba yaa po, ke timo n baa o yaa niinni U Tienu * moamoansaali.

Kelima ti cuoni leni li * dandanli, laa tie tin nua yaala ka.

Lankuli ñani U Tienu kani, wani yua n teni ke ti mangi leni o kelima Kilisiti yaa po, ki puogi ti yaa tuonli n tie ki teni bi niba n goa ki mangi leni o. Kelima U Tienu den ye Kilisiti nni ki teni ŋanduna n goa ki mangi leni o, kaa coadi bipo bi * tuonbiadi. O den puogi ti tin yaa wangi ke bi niba n goa ki mangi leni o.

Lanwani ti tie Kilisiti badibaanba. Li tie nani U Tienu oba n maadi ti ñoana nni ki tundi yi. Ti miadi yi Kilisiti yeli nni: «Goa ki mangi mani leni U Tienu.»

O den kpe bikuli po, ke yaaba n fo n da go yaa ye bi yucela po ka, ama wani yua n den kpe ki go fii bi tinkpiba siiga bipo yaa po. Lanwani moala liiga tii go nua oba kuli nani o nisaalo n nua bi niba maama. Baa ke ti den kpa nua Kilisiti nani o nisaalo n nua maama, moala tii go nua o yeni ka.

Kilisiti buama die ti ki tigini ti. Ti sua ke niyendo yaa den kpe bi niba kuli po, lanwani bi niba kuli kpe.