Popular Bible Verses from KOLINTA YAABA TILIELI 4

Share

Tii diidi bi niba n baa fidi ki le yaala ka, ama ti diidi ban kan fidi ki le yaala. Kelima bi niba n baa fidi ki le yaala pia mi pendima, ama ban kan fidi ki le yaala naa pia pendima.

Lani yaa po tii luo papaali. Baa ke ti gbanandi kpeligidi, ti niinni, ti pandi daali kuli. Kelima tin laadi yaa fala u naa yogunu po, naa tie pu ti yaa biigi o leni wan bogini tipo yaa kpiagidi n yaba ki kandi ki naa pia pendima maama po.

I falabuoli kuli mabindi ti, ama yii paadi ti. Ti yama yagini, ama ti jigi ki cenli. Bi yen wangi ti fala, ama U Tienu ki ŋa ti. Bi yen guliti ti, ama baa bolindi ti.

Laa bonmoanla, ti kubi la ti tandi tiadi nni, ke lan doagidi ke laa paacianmoanu tie U Tienu yaa paaciamu yo, laa tie ti yaa yu ka.

bani yaaba n kaa daani po. Sutaani, yua n die ŋanduna, na juani bi yantiana, ke ban da le Kilisiti yua n tie U Tienu nannanli yaa Laabaaliŋamo kpiagidi yendi.

U Tienu yua n den yedi: «Mi yenma n yendi li * biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.