Popular Bible Verses from ƆRƆMUKAW 6

Share

Bari kojugu sara ye halakili ye, nga Ala ka makariko, o bɛ hɛrɛ banbali di an Matigi Yezu Krista barika la.

Kojugu tɛna see sɔrɔ aw kan tugu. Bari aw tɛ sariya kɔrɔ tugu, nga aw bɛ nɛɛma le kɔrɔ.

An batizera ka jɛn n'a ye a ka saya koo la minkɛ, an fana suu donna n'a ye janko Krista kununna Faa Ala ka sebagaya barika la cogo min na, an fana jogo ka yɛlɛma ka kɛ kura ye.

Aw kana aw ka farikolo yɔrɔ si kɛ kojugukɛfɛn ye ka to kojugu la. Nga aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ konyumankɛ ta ye, k'u bila Ala ka baara la.

An ka nin faamu kosɛbɛ, ko an jogokɔrɔ korila ka gwengwen nyɔgɔn fɛ ni Krista ye, janko o daa ka bila, an fana k'an yɛrɛ sɔrɔ ka bɔ kojugu bolo.

O cogo la, aw fana k'aw yɛrɛ jati i n'a fɔ suu, kojuguko ta faan fɛ, ka kɛ mɔgɔ nyanaman ye Ala ta faan fɛ Yezu Krista barika la.

An ka mun le fɔ sa? An ka kan ka to kojugu la janko Ala ka makari bɛ bonya wa? Ayi dɛ! An minw kɛra i n'a fɔ suu, kojuguko ta faan fɛ, an bɛ se ka to kojugu la cogo di?

Yala aw m'a lɔn ko n'aw y'aw yɛrɛ di fɛɛn min ma ka kɛ i n'a fɔ a ka jɔɔn, ka to ka mɛnni kɛ a fɛ, aw bɛ kɛ o fɛɛn nin ka jɔɔn ye wa? N'a kɛra kojuguko ye, o laban ye halakili ye. Nga Ala sago kɛli bɛ na ni tilenninya ye.

An bɛ barika la Ala ye bari aw tun bɛ kojugu bolo, nga sisan u y'aw kalan min na, aw sɔnna o la n'aw dusukun bɛɛ ye, k'aw yɛrɛ sɔrɔ ka bɔ kojugu bolo ka kɛ Ala ka jɔɔnw ye ka tilenninyakow kɛ.