Popular Bible Verses from ƆRƆMUKAW 5

Share

Nga Ala y'a yira an na ko a b'an kanu, o le y'a to k'an to an ka kojugu la, Krista sara an kɔsɔn.

Jigi do tɛ taa ka mɔgɔ to bololakolon, bari Ala y'an kanu cogo min na, o b'an dusu la Nii Senuman barika la, a y'ale min d'an ma.

O dama tɛ, an bɛ nisɔndiya an ka tɔɔrɔkow la, bari an lanin b'a la ko tɔɔrɔ kɔsɔn an bɛ munyu. Munyuli bɛ na ni sesɔrɔli ye, ni see sɔrɔla, jigi fana bɛ sɔrɔ.

An jatira mɔgɔtilenninw ye jigi barika la, o cogo la, hɛrɛ sɔrɔla an ni Ala cɛ an Matigi Yezu Krista barika la. Ale Yezu barika la fana an ye niyɔrɔ sɔrɔ o nɛɛma nin na an ka jigi sababu la. An bɛ o min na, k'an yɛrɛ bonya Ala ka nɔɔrɔ koo la, bari an bɛna o nyɔgɔn sɔrɔ.

Tinyɛ na, tuma min na barika tun tɛ an na, Krista sara mɔgɔjuguw kɔsɔn o waati latigɛnin na.

An jatira mɔgɔtilenninw ye Krista ka saya barika la minkɛ, siga t'a la, an bɛna kisi Ala ka dimi ma fana ale kelen barika la.

Mɔgɔ caaman kɛra kojugukɛlaw ye, mɔgɔ kelen ka murutili kɔsɔn, o cogo la fana mɔgɔ kelen ka konyuman kɛli kɔsɔn, mɔgɔ caaman bɛna jati mɔgɔtilenninw ye.

O dama tɛ, an bɛ nisɔndiya Ala koo la an Matigi Yezu Krista barika la, ale min sababu la, anw ni Ala cɛ bɛnna.