Popular Bible Verses from Yel-wula 13

Share

A ka a, a sɛw na kɛ́ nɩr za tɛr tɩɛrʋ. Sob nɛ na tɛr yã a, ʋ manɩ bãw a dʋ̃w sɔr-nʋɔr, bʋ̃ʋ n'ʋ vɛ̃ nɩsaal sɔr-nʋɔr'ʋ, ɛ́ a sɔr-nʋɔr ʋl ɩ n kɔbr ayʋɔb dɔwlɩ lɩz'a ata nɩ ayʋɔb (666).

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.

A dʋ̃w tɩ fɛr'ɩ a nɩbɛ za, a pʋrmɛ nɩ a bɛrɛ, a na-mɩnɛ nɩ a nan dem, a gbãgbaar nɩ a nɩbɛ na so bɛ tʋɔra a, ʋ tɩ fɛr'ɩ bɛ za bɛ ɩ bɛ ƴãw bɛ bãwfʋ a dʋrʋ nũú bɩɩ a gbẽé. Nɩr bɛ tɩ tɛr sɔ́r na da bom bɩɩ kʋɔrɩ bom, ʋlɛ bɛ wa tɛr a bãwfʋ ŋa a ɩ, a pɛr lɛ k'aa dʋ̃w yúor bɩɩ a ʋ yúor sɔr-nʋɔr.

Nɩr wa be a gaso kpɛb ƴãw a, ʋ na kpɛ n a gaso. Nɩr wa be a sʋɔ-kũu ƴãw a, ʋ na kpi n a sʋɔ-kũu. A Naaŋmɩn nɩ-bʋʋrɛ kanyir dɩb nɩ a bɛ naaŋmɩn-sàw-deb daar'ɩ à à ŋá.»

Al pùorí, ɩ̃ tɩ nyɛ̃ nɩ dʋ̃w na yire a kʋ̃ɔ-kpɛ̃ɛ pʋɔ a. Ʋ tɩ tɛr'ɩ ɩ́lɛ́ pie nɩ zuru ayopõi. Nãà-kpawʋɔ mɩ́ tɩ be n a ɩɩl za zu, ɛ́ yúor na ɩ zʋm bɛ tʋ Naaŋmɩn a be a ʋ zuru zu.

Bɛ tɩ kʋ̀ ʋ nɩ sɔ́r k'ʋʋ zɛbr'ɩ a Naaŋmɩn nɩ-bʋʋrɛ ɛ́ tʋ̃ɔ́ bɛ. Bɛ tɩ kʋ̀ ʋ nɩ fãw dɔwlʋ za zu, bʋʋrɛ za, ƴɛ̀r-pɛ-bʋʋrɛ za nɩ tẽw za zu.

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw. Bɛ tɩ kʋ̀ n a dʋn ayi sob fãw, ʋ na tʋ̃ɔ́ ɩ a dʋ̃-dãw-niwn sob dasule ʋ vʋʋrɛ, k'aa dasule ŋa tʋɔr ƴɛ̀rɛ ɛ́ ƴãw bɛ kʋ a bɛlɩ dem za na bɛ gbine dume puore ʋ a.

A dʋ̃w ɩ̃ na tɩ nyɛ̃ a tɩ ŋmɛ̃ na taa nɩ nyũo, ɛ́ a gbɛ́ɛ ɩ mɛ̃ wɛ-dʋ̃-faa kãw bɛ na bʋɔlɛ ursɩ a gbɛ́ɛ, ɛ́ a nʋɔr ɩ mɛ̃ gbẽw nʋɔr a. A wa-bɩɛ tɩ de nɩ a ʋ fãw kʋ̀ a dʋ̃w, nɩ a ʋ naalʋ-dà-kɔw nɩ kpɛnʋ na bɛ dɩ vuo a.

Bɛ tɩ kʋ̀ ʋ nɩ sɔ́r k'ʋʋ ƴɛ̀rɛ ƴɛ̀r-sɛblɛ tʋʋr'ɩ a Naaŋmɩn zʋmɛ. Bɛ tɩ kʋ̀ ʋ nɩ fãw k'ʋʋ ɩrɛ nɩ cuwr lɩz'a ayi nɩ ayi ƴãw.

A dʋ̃w zu kãw tɩ ɩ na mɛ̃ bɛ ƴãw ʋ nɩ natɩr ʋ na kpi a, ɛcɛ, a natɩr nãá tɩ kʋ ʋ a, tɩ sanɩ na. A tɩ ɩ n nɔ-ɓãan a tẽw za zie, ʋ tu a dʋ̃w pùor.

Al pùorí, ɩ̃ tɩ nyɛ̃ nɩ dʋ̃w yũo ʋ yire a tẽsɔw pʋɔ. Ʋ tɩ tɛr'ɩ ɩ́lɛ́ ayi mɛ̃ pʋrale ɩ́lɛ́ a, ɛ́ tɩ ƴɛ̀rɛ mɛ̃ wa-bɩɛ a. Ʋ tɩ tɛr'ɩ a dʋ̃-dãw-niwn sob kpɛnʋ za tone nɩ a ʋ niŋé. Ʋ tɩ ɩ na a tẽw nɩ a ʋ nɩbɛ lore gbine dume puore a dʋ̃-dãw-niwn sob, a ʋl a natɩr nãá tɩ kʋ a na sanɩ a.