Popular Bible Verses from Yel-wula 12

Share

A tɩ yɛbr zɛb'a tʋ̃ɔ́ ʋ a Pele zɩ̃ɩ ƴãw, nɩ a ƴɛ̀rʋ dãsɩɛ bɛ na dɩ a ƴãw. Bɛ bɛ tɩ nɔ̃w a bɛ nyɔ-vʋʋrʋ tɩ zɔ n a kũu dɛ̃bɩ̃ɛ ɩ.

Al pùorí, ɩ̃ tɩ wõ n kɔkɔ-kpɛ̃w a salom zu ʋ yere: «Ƴɛrɛŋa a, a faafʋ pãa ta na, a tɩ Naaŋmɩn kpɛnʋ nɩ a ʋ naalʋ-dɩb, a ʋ Kɩrɩta na dɩ nɩ-kpɛ̃ɛnʋ a. Bʋ̃ʋ n'ʋ vɛ̃, a sob nɛ na mɩ́ mɩl a tɩ yɛbr a, bɛ cã ʋ na lɔb, a ʋl na mɩ́ tɩ mɩlɛ bɛ a Naaŋmɩn niŋé mʋ̃tɔ̃w nɩ tɩ̃ɩsɔw a.

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

A na ɩ à ŋá a, cɩlɛ salom i, nɩ nyɩɩm za na kpɩɛr a ʋ zu a! Ɛcɛ, baw-bio páw nyɩ na, nyɩɩm tẽsɔw nɩ kʋ̃ɔ-kpɛ̃ɛ ɛ! Bʋ̃ʋ n'ʋ vɛ̃, a Gɛgɛra siw na wa a nyɩ zie, ɩ suur tɛwr, ʋ na bãw k'aa vuo na cɛ ʋ a ɩ n ŋmalelɛ a.»

Lɛ n'a zɛbr tɩ ìr a salom zu: Mɩsɛl nɩ a ʋ malkɩ mɩnɛ tɩ zɛb'ɩ nɩ a wa-bɩɛ, ɛ́ a wa-bɩɛ nɩ a ʋ malkɩ mɩnɛ mɩ̀ tɩ zɛb'ɩ bɛ.

A wa-bɩɛ tɩ nyɛ̃ nɩ nɩ a pɔw suur, cen tɩ zɛbr'ɩ a pɔw bʋʋrɛ bɛl na cɛ a, a bɛl na tuur a Naaŋmɩn nɛ-ƴãwnɩ ɛ́ maal tɛr a yel-mɩŋa a Yeezu na wul a.

Bãwfʋ kpɛ̃ɛ kãw tɩ sãá nɩ a salom zu: pɔw na su a mʋ̃tɔ̃w mɛ̃ kparʋ a, a gbɛ́ɛ dɔwlɩ a cuw zu, ɛ́ ŋmar-bie pie nɩ ayi viiri koli a zu mɛ̃ nãà-kpawʋɔ a. Ʋ tɩ tɛr'ɩ pʋɔ, ʋ 'wɔbr, ʋ kone, ɛ́ dɔwr wone nɩ tuo.

A pɔw tɩ dɔw nɩ bidɛble na na kaarɛ a ten za zie nɩ gãdaalʋ a. Bɛ tɩ zaa nɩ a ʋ bie cen nɩ a Naaŋmɩn zie, a ʋ naalʋ-dà-kɔw pɛr. A pɔw ʋl a, ʋ tɩ zɔ na kpɛ a wɛja-kpalɛ pʋɔ, a be Naaŋmɩn na tɩ cɔbrɩ zie bɛr ʋ, bɛ na tɩ guol'ʋ bibie túr'ɩ kɔbr ayi dɔwlɩ lɩz'a ata a (1 260).

Bãwfʋ yũo tɩ sãá nɩ a salom zu: wa-bɩɛ bɛ́rʋ zɩɛ na tɛr zuru ayopõi nɩ ɩ́lɛ́ pie, ɛ́ a zu za mɩ́ tɩ vɔbl'ɩ nãà-kpawʋɔ a. A salom zu ŋmar-bie na põ ziir ata a, ʋ tɩ pɩɩr'ɩ a zi-been dem lɔb a tẽw zu nɩ a ʋ zʋʋr. Ʋ tɩ àr'ɩ a pɔw na dɔwr a niŋé, kɛ́ ʋlɛ wa dɔwr a ʋ bie wa báarɛ a, ʋ̃ʋ nyɔw vɔl.

Ɛcɛ, bɛ tɩ kʋ̀ n a sɩl-kpɛ̃ɛ pɩgɛ ayi a pɔw, k'ʋʋ ƴaw nɩ kpɛ n a wɛja-kpalɛ pʋɔ, a zie ʋl bɛ na cɔbrɩ a ʋ ƴãw a, bɛ tɩ guol'ʋ a be yome ata nɩ ŋmãa, zãá nɩ a waab. Lɛ n'a a waab tɩ ow kʋ̃ɔ mɛ̃ man-kpɛ̃ɛ kʋ̃ɔ a, a pɔw pùorí, k'aa kʋ̃ɔ tʋ̃ɔ́ tuo ʋ cen nɩ. Ɛcɛ a tẽsɔw tɩ sõw nɩ a pɔw: a tẽsɔw tɩ háa nɩ a ʋ nʋɔr fuori a man-kpɛ̃ɛ kʋ̃ɔ a wa-bɩɛ na ow a.