Popular Bible Verses from Zʋkpaɩ 3

Ƴãw a fʋ tɩ́ɛrʋ za a Sore ƴãw, taa wa ɩrɛ ƴãwn a fʋ mɩŋa yã ƴãw ɛ. Bãw ʋ a fʋ yele za fʋ na maalɛ a pʋɔ, ʋʋ na wule fʋ nɩ a cenu.

Ta tɩ́ɛrɛ kɛ́ fʋ ɩ n yã-bãwnɛ ɩ, nɩ̃ɛ zɔrɛ a Sore, ɛ́ gùr pùor cɔw a yel-faa.

Ƴãwnɛ a Sore nɩ a fʋ bʋ̃-tɛrɩ, mɩ́ de a fʋ kɔb bʋ̃-dan kʋ̀ ʋ. Lɛ n'a a bʋ̃-bie na mɩ́ paalɩ a fʋ boge, ɛ́ a fʋ divɛ̃ ʋr bɛ nyɛrɛ ƴãwfʋ zie ɩ.

A nɔ̃wfʋ nɩ a pùor-bɛ-lɛbrʋ, a be a fʋ zie kʋralɛ, 'lẽ a ƴãw a fʋ kɔkɔrɩ́, sɛb a ƴãw a fʋ socir pʋɔ.

Ɩ̃ bie e, taa zawrɛ a Sore kpãàfʋ ɛ, fʋ̃ʋ wa sãw ʋ yere fʋ a, ta nyɛ̃ a ɩ faa ɩ. Bʋ̃ʋ n'ʋ vɛ̃, a Sore mɩ́ yere nɩ a sob nɛ ʋ na nɔnɛ a, mɛ̃ a lɛ sãà na mɩ́ yere a ʋ bi-nɔna a.

Ɩ̃ bie e, taa wa yiire a ɩ̃ wulu bɛrɛ ɩ, tɛr a ɩ̃ nɛ-ƴãwnɩ a fʋ socir pʋɔ. Fʋ̃ʋ wa maal tɛr a a, fʋ na vʋʋr'a cɛlɩ, ɛ́ fʋ na tɛr'ɩ ƴã-ɓaarʋ.

Zu-nʋ̃ɔ̀ sob'ɩ sob nɛ na nyɛ̃ a yã-bãwfʋ ɛ́ páw a yã a! Bʋ̃ʋ n'ʋ vɛ̃, a ʋ tɛrʋ sa n a salm-pla tɛrʋ, ɛ́ a ʋ tɔnɛ sa a salm-zɩɛ. A yã-bãwfʋ ɩ n bʋ̃-sɩza zuo lɛw-vɩɛlɩ, ɛ́ bʋ̃-bɔbra kãw za kʋ̃ tʋ̃ɔ́ man taa nɩ ʋ ɛ.

Ta zawrɩ nɩr a na fɛrɛ a maalʋ ɛ, fʋ̃ʋ na na tʋ̃ɔ́ maal'ʋ a.

A Sore yã-bãwfʋ n'ʋ ʋ ír'ɩ a tẽw, a ʋ yã n'a ʋ ɩ n a salom ʋ kpɛmɛ àr.