Popular Bible Verses from Ɩzayi 19

Share

A Sore, a kpɛnʋ-za-sob, na maal'ɩ a tẽ-daa yel à ŋá: «Ɩ̃ maalɛ nɩ a Eziptɩ tẽw dem, a ɩ̃ nɩ-bʋʋrɛ, a Asiiri tẽw dem, a ɩ̃ nuru bʋ̃-maalɩ, nɩ a Ɩsɩrayɛl nɩbɛ, a mãa mɩŋa bom.»

Ʋ na ɩ n bãwfʋ na wule k'aa Sore, a kpɛnʋ-za-sob, be n a Eziptɩ tẽw pʋɔ a. A Eziptɩ tẽw dem wa kone cɔwr a Sore, a bɛlɩ dem na dɔwrɛ bɛ a ƴãw a, ʋ na kʋ̀ bɛ nɩ faarɛ na na gù bɛ ɛ́ faa bɛ a.

Ƴɛ̀rʋ na ƴɛ̀r a Eziptɩ tẽw ƴãw a. A Sore be n zũzuwr na cere fɔ̃w fɔ̃w a zu, ʋ tarɛ nɩ a Eziptɩ tẽw. A Eziptɩ tẽw tɩbɛ màwr'ɩ a ʋ niŋé, ɛ́ a Eziptɩ tẽw dem kanyir baarɩ.

Bibir kãw, bàwr-maal-kuur na be n a Eziptɩ tẽw sɔwlɩsɔw a Sore ƴãw, ɛ́ kʋsɛ-tela be a ʋ ƴãw a tẽw tʋr-bɔw ƴãw.