Popular Bible Verses from Ɩzayi 11

Share

A Sore Vʋʋrʋ na siw ʋ na: yã-bãwfʋ nɩ yele jielu Vʋʋrʋ, yã-wulu nɩ fãw Vʋʋrʋ, bãwfʋ nɩ Sore zɔba Vʋʋrʋ. A Sore zɔba n'a na ɩ a ʋ yã-nɔn. Ʋ kʋ̃ mɩ́ dɩ a ƴɛ̀rʋ tu n a lɛ ʋ na nyɛ̃ a ɩ, ʋ kʋ̃ mɩ́ yel a lɛ na be be a, tu n a lɛ ʋ na wone bɛ yere a ɩ.

Bidɛb na yi n a Zese yir pʋɔ, mɛ̃ wuli-pɔl na yi tɩ-kʋra pɛr ƴãw a. Wuli-paala na tɛ n a ʋ nyɩgɛ ƴãw yi.

Ʋ na mɩ́ dɩ n a ƴɛ̀rʋ nɩ mɩnʋ kʋ̀ a bãbàalbɛ, ʋ na mɩ́ yel'ɩ a lɛ-na-tu-sɔr-a kʋ̀ a tẽw nan dem. A ʋ ƴɛ̀rʋ na mɩ́ va n a tẽw mɛ̃ dabɔl a, a ʋ nʋɔr pɩɛlʋ na mɩ́ kʋ n a nɩ-faa.

A mɩnʋ nɩ a yel-mɩŋa na ɩ n a ʋ zie mɛ̃ kpàwr bɛ na mɩ́ sɛ a sɩɛmɩ́ kʋralɛ a.

Bɛ kʋ̃ cãà maalɛ yel-faa ɛ́ sãwnɛ bom a ɩ̃ tãw-sõw za zu ɛ. Bʋ̃ʋ n'ʋ vɛ̃, a Sore bãwfʋ na paal'ɩ a tẽw, mɛ̃ man na paalɩ kʋ̃ɔ a.

Lɛ n'a a wɛ-baa na lãw kpɩɛr'ɩ a péle, a nyũo na mɩ́ gã na kɔwlɩ bʋle. Bɛ na lãw na guole a nále nɩ a gbẽw-bile, ɛ́ dɛbli-cãpile cɩ̃ɩnɛ a.

A ʋlɩ bibir nɛ a, a Zese bidɛb na ɩ na mɛ̃ bãwfʋ bɛ na zɛw a tẽ-daa nɩ-bʋʋrɛ ƴãw a. A nɩ-bʋʋr-yoru na waar'a wa bɔbr yã a ʋ zie, ɛ́ a Naaŋmɩn yúor-vɩɛlʋ-danʋ na nyɩwrɛ nɩ a be ʋ na kpɩɛr a.