Popular Bible Verses from Ezekɩɛl 37

Share

Ʋ lɛb yel: «Ƴɛ̀r naaŋmɩn-ƴɛ̀r-manɛ ƴɛ̀rʋ kʋ̀ a kɔbɛ á ŋá. Yel a: Kɔbɛ na ko pɛlɩ a, nyɩ bɛrɛ wone a Sore ƴɛ̀rʋ! À ŋá n'a a Sore Naaŋmɩn yere kʋ̀rɛ nyɩ: Ɩ̃ na ɩ n nyɔ-vʋʋrʋ pɩɛlʋ kpɛ a nyɩ pʋɔ ɛ́ nyɩ na vʋʋrɛ na.

Ɩ̃ na ƴãw nɩ jiile a nyɩ zu, ɩ̃ na ɩ n ƴã-gã-nɛn bul a nyɩ zu, ɩ̃ na ɩ n gán pàw nyɩ. Ɩ̃ na ƴãw nyɩ nɩ nyɔ-vʋʋrʋ pɩɛlʋ, ɛ́ nyɩ na vʋʋrɛ na. Lɛ n'a nyɩ na bãw kɛ́ mãa n'ɩ a Sore.»

Lɛ n'a a Sore tɩ sowri mɛ̃: «Yel kʋ̀ m, nɩsaal bie e, a kɔbɛ á ŋá na tʋ̃ɔ́ na lɛb vʋʋrɛ bɩɩ?» Ɩ̃ sɔw ʋ: «Sore Naaŋmɩn i, fʋ̃ʋ n'ʋ bãw!»

A Sore fãw tɩ siw nɩ a ɩ̃ zu, ɛ́ a ʋ Vʋʋrʋ tɛr mɛ̃ cen nɩ tɩ bin bà-fʋɔl-yɛlʋ na ɩ kɔbɛ tɛwr a pʋɔ. A Sore tɩ ɩ na ɩ̃ cɔlɩ viiri koli a zie ʋl. A kɔbɛ tɩ yãwmɛ na bɛ dɩ vuo ɩ, ɛ́ ko pɛlɩ a za.

Ɩ̃ tɩ ƴɛ̀r'ɩ a naaŋmɩn-ƴɛ̀r-manɛ ƴɛ̀rʋ kʋ̀ a kɔbɛ mɛ̃ a lɛ a Sore na tɩ ƴãw a nʋɔr kʋ̀ m k'ɩ̃ɩ ƴɛ̀r a. Ɩ̃ na tɩ ƴɛ̀rɛ a, ɩ̃ tɩ wõ n gɔmɛ, bome na damnɛ a gɔmɛ: A kɔbɛ tɩ taw na nyɔw taa. Ɩ̃ tɩ jɩ́r'a nyɛ̃ jiile a sãá a zu. Ƴã-gã-nɛn nɩ gán tɩ pàw a na. Ɛcɛ a bɛ tɩ tɛr a nyɔ-vʋʋrʋ pɩɛlʋ ɛ.