Popular Bible Verses from Orom Sɛbɛ 14

Share

A-na-ɩ a Naaŋmɩn fãw pʋɔ ƴɛrɩ̃ ma ɩ a bõ-dɩraa nɩ a bõ-nyuuraa ƴɛrɩ̃ wa, ɩ̃-cɛ ʋ ɩ na a torfʋ, a pɩɛnfʋ nɩ a nʋ̃ɔ ʋlɔ na yi a Naaŋmɩn Sɩɛ jie ƴɛrɩ̃. A ʋlɔ na tʋnɔ a Kirisi tʋmɔ a nɔhɔ̃, ʋ maalfʋ kpɛ na a Naaŋmɩn a nyãa ɩ̃ mɩ vɩɛlɛ a nɩbɛ jie.

A sɩmɩ na be ka a tẽw pʋɔ, a Nɩ-kpɛ̃ɛ ɩnɛ sɩ be ka. A sɩmɩ mɩ kpi, a Nɩ-kpɛ̃ɛ ɩnɛ sɩ mɩ kpi. Ala-ɩ̃-sɔ a sɩmɩ be ka a tẽw pʋɔ mɩɩ sɩ kpi na, a Nɩ-kpɛ̃ɛ ɩ̃ sɔ sɩ.

Ala-ɩ̃-sɔ, sɩ́ tuure a tʋmɔ ala na tɛrɛ a pɩɛnfʋ, nɩ a ala na maala sɩ a sɩ karɛɛ a Naaŋmɩn sɔr pʋɔ.

Nyɩ́ ɩ a ƴɛr-ƴɔ̃w-taa a na baar a sɩ sɔ̃w, ɩ̃ a nyɩ ɛ̃ɛ de a maal-bie asɩmɛ: a nyɩ taa wa maal bom kãw na cɩɛrɛ a nyɩ yɛbɛ, mɩɩ na wa maala ʋ ʋ loro a fãa pʋɔ wa.

A-na-ɩ a sɛbʼã a Naaŋmɩn Sɛbɛ pʋɔ: “A maa na ɩ a Nɩ-kpɛ̃-mimir ɩ̃ yel, a nɩbɛ ba jaa nɔɔ gburĩ na a dume a ɩ̃ nii-sɔw, ɩ̃ a ba jaa nɔɛ nɔɔ haa na pɛw a Naaŋmɩn.” A lɛ ʋ, a sɩ jaa fɛw bõ-ƴene-ƴene na manʼã a sɩ mɩ̃ɛ baafʋ ƴɛrɩ̃ kʋ a Naaŋmɩn.

Nyɩ́ sɔw de a ʋlɔ na bal a ƴɔ̃w-nyãa pʋɔ, kɔ̃ cɩɩrɛ a ʋ tɩɛrɩ̃sɩ wa.

Bõ fʋ ɩ ɩ̃ ƴɔnɔ a nɩrɛ kãw tʋtʋnɔ a ƴɛrɩ̃? A ʋlɔ ɩraa a cĩcĩ mɩɩ ʋ faa na lo, a ʋ nɩ-kpɛ̃ɛ a ba. Ɩ̃ ʋ na ɩra na cĩcĩ, a-na-ɩ a Nɩ-kpɛ̃ɛ tɛrɛ na kpɛ̃w na nyɔw ʋ ʋ ɩraa.