Popular Bible Verses from Orom Sɛbɛ 13

Share

Nyɩ́ bar a Nɩ-kpɛ̃ɛ *Jeeju-Kirisi baa-paalaa ʋ pɔw nyɩ. Nyɩ taa bar a nyɩ mɩ̃ɛ ʋ tɛrɛ a ɩ̃gan buur tɩɛrʋ̃, maala nɩ a ala ʋ na bʋɔrɔ wa.

Nyɩ taa tɛrɛ nɩrɛ san ɩ̃ a ala ma ɩ a nʋfʋ nyɩ na nʋnɔ taa a nyɩ sɔ̃w wa, a-na-ɩ a ʋlɔ na nʋnɔ a ʋ tɔ deme, ʋ maalʼã a ƴɛr-kpɛn a jaa baar.

A sɛw na a nɩrɛ lɛ na wur a ʋ mɩ̃ɛ a fãgã deme na ꞌwuoro a tẽw jie, a-na-ɩ fãgã ma be be ɩ̃ ma yi a Naaŋmɩn jie wa, ɩ̃ a fãgã deme na be a ka, Naaŋmɩn biin ba ba jaa.

A tɩsɔw tɔlɔ na, a wɩɛr kpaarʼã. Ala-ɩ̃-sɔ, sɩ́ bar a tʋmɔ ala na ma maala a tɩsɔw, ɩ̃ lɩɛb de a jɛb-yele ala sɩ na jɛbɛ nɩ a cãa pʋɔ.

A fʋ̃ʋ na nʋnɔ a fʋ tɔ sʋbɔ, faa lɛ tʋɔrɔ maala ʋ a fãa wa. Ala-ɩ̃-sɔ, a ʋlɔ na tɛrɛ a nʋfʋ a lɛ maalʼã a ƴɛr-kpɛn a jaa baar.

Nyɩ́ ya a nɩrɛ lɛ a bom lɛ nyɩ na tɛrɛ ʋ. A lãpo ʋ mɩɩ, nyɩ́ ya ʋ; a sɛbɛ kãw libie ʋ mɩɩ, nyɩ́ ya ʋ. Nyɩ́ jɔrɔ a ʋlɔ na sɛw nɩ a jɔfʋ, ɩ̃ ƴɔnɔ a ʋlɔ na sɛw nɩ a ƴɔ̃wfʋ.