Popular Bible Verses from Fɩlɩpɩ Sɛbɛ 4

Share

Nyɩ taa wa waala bom kãw ɩnɛ wa, ɩ̃-cɛ nyɩ́ puoro sʋɔrɔ nɩ a Naaŋmɩn a ala a jaa nyɩ na bʋɔrɔ ɩnɛ, sʋɔrɔ pɛwrɛ nɩ ʋ a ala ʋ na maala nyɩ ɩnɛ.

Ɩ̃ a Naaŋmɩn pɩɛnfʋ na gãw a bɔ̃wfʋ a jaa na gu na a nyɩ suur nɩ a nyɩ tɩɛrɩ̃sɩ a dɔ̃dɔr-gure kaarɩ̃, a mɩnɛ nyɩ na be a *Jeeju-Kirisi pʋɔ.

Yɛɛr, a ala na cɛ ɩ na a nyɩ́ bɔ̃w cɛlɛ a bom lɛ na tor mɩ sɛw nɩ a pɛwfʋ, a bom lɛ na ɩ a bõ-son sɛw nɩ a cʋfʋ, mɩ ɩ nɩ a dẽdẽ nɩ a cɛcɛ, a bom lɛ na vɩɛlɛ, na mɩ sɛw nɩ a ƴɔ̃wfʋ.

Ɩ̃ na tʋɔ na a yele a jaa a yi a ʋlɔ na kʋrɔ ma a kpɛ̃w jie.

A mɩnɛ nyɩ na be a Nɩ-kpɛ̃ɛ pʋɔ, nyɩ́ cɩlɛ a daar a jaa. Ɩ̃ lɛ yele nyɩ na, nyɩ́ ma cɩlɛ!

Ɩ̃ a ɩ̃ Naaŋmɩn na kʋ nyɩ na a ala a jaa na bɔr nyɩ tu nɩ a ʋ na-yel-vɛlɛ na be a *Jeeju-Kirisi pʋɔ.

Nyɩ́ nyɔw ɩ̃ maala a ala nyɩ na jaan ɩ̃ mɩ pɔw a ɩ̃ jie, a ala nyɩ na wõ nɩ a ala nyɩ na mɩ nyɛ ma ɩ̃ maal. Ɩ̃ a Naaŋmɩn ʋlɔ na ma kʋrɔ sɩ a pɩɛnfʋ na be nɩ nyɩ na.

Nyɩ́ ɩ a nɩbɛ ba jaa a ba bɔ̃w nyɩ a nyɩ ɩ nɩ-hɛlɛlɛ. A Nɩ-kpɛ̃ɛ lɛwaa pɩɛlʼã.

Ɩ̃ bɔ̃w na a mɩnɛ ɩ̃ na ɩrɛ a nãw pʋɔ nɩ a tɛrɛfʋ pʋɔ. A ala saarɩ̃ wɔ̃ mɩnɛ, ɩ̃ jaanʼã a mɩnɛ ɩ̃ na bara a tɩɛrʋ̃ a yele a jaa pʋɔ: ɩ̃ pi na mɩɩ a kɔ̃ nyɔw ma na; ɩ̃ nyɩrɩ̃ na tɛraa mɩɩ a ɓɔr ma na.

Ɩ̃ maa mɩ ƴɛrɛ a lɛ bʋɔrɔ nɩ bom wa, a-na-ɩ ɩ̃ jaanʼã a mɩnɛ ɩ̃ na ɩrɛ ɩ̃ a bom lɛ ɩ̃ na tɛrɛ na tʋɔ sɛw nɩ ma.