Popular Bible Verses from Fɩlɩpɩ Sɛbɛ 3

Share

Yɛɛr, aa ɩ wɔ̃ taa nɩ ɩ̃ pɔw na a ʋna bom sɛr wa, ɩ̃-cɛ a bom bõ-ƴen ʋlɔ ɩ̃ na maala ɩ na, ɩ̃ ma hiinʼã a ala na tɔl baar ɩ̃ nyɩrɛ wɩɛrɛ a ala na cãa waara jie. Ala-ɩ̃-sɔ ɩ̃ nyɩrɛ cere a tʋraa par a mɩnɛ ɩ̃ na tʋɔ pɔw a saa juu bom ʋlɔ a Naaŋmɩn na bʋɔlʼɩ̃ ma a Jeeju-Kirisi pʋɔ.

A bom tɛw ʋlɔ ɩ̃ na bʋɔrɔ ɩ na, ɩ̃ bɔ̃w a Kirisi nɩ a kpɛ̃w ʋlɔ na yi a ʋ kũu-pʋɔ-irfʋ, nɩ a mɩnɛ ɩ̃ na mɩ kpɛ a ʋ won pʋɔ, ɩ̃ mɩ kpi a kũu ʋlɔ na wɔ̃ taa nɩ a ʋ ben, cɛlɛ nɩ a ala ɩ ɩ̃ nɔɔ mɩ tʋɔ na ir a kũusɩ pʋɔ.

Ɩ̃ aa ɩ a ana yele tɛw ʋ wa, ɩ̃-cɛ ɩ̃ de na a yele a jaa a ɩ ma yel-pɔrsɩ a ɩ̃ Nɩ-kpɛ̃ɛ Jeeju-Kirisi bɔ̃wfʋ ɩnɛ na nyɩrɩ̃ sa gãw a yele a jaa. A ʋlɔ ɩnɛ ɩ̃ barʼã a yele a jaa a lo, ɩ̃ mɩ de ba a ba ɩ ma saba, a mɩnɛ a ɩ̃ bõ-dɔɔlaa na tʋɔ ɩ a Kirisi

Ɩ̃-cɛ a ana yele ɩ̃ na dãa nyɛ a ɩ ma yel-dɔɔlsɩ, ɩ̃ de ba na a ƴɛ̃ƴɛrɩ̃ na a ɩ ma yel-pɔrsɩ a *Kirisi ɩnɛ.