Popular Bible Verses from Galatɩ Sɛbɛ 5

Share

Ɩ̃-cɛ a ala a Naaŋmɩn Sɩɛ na wɔnɔ a sɩ baafʋ pʋɔ ɩ na a nʋfʋ, a nʋ̃ɔ, a pɩɛnfʋ, a su-nyɔwraa, a pʋ-pɩlaa, a son ɩfʋ, a dẽdẽ ɩfʋ, A hɛlɛlɛ ɩfʋ nɩ a mɩ̃ɛ-tɛrɛfʋ. Ƴɛr-kpɛ̃w ma be be na ma cere nɩ a yel-nɔhɔ̃ wa.

A ala ɩ̃ na yel nyɩ ɩ na, nyɩ́ bar a nyɩ mɩ̃ɛ kʋ a Naaŋmɩn Sɩɛ ʋ tɔwrɔ nyɩ, a mɩnɛ a nyɩ kɔ̃ wa sɔw a nyɩ ɩ̃gan buur tɩɛrɩ̃sɩ wa.

A ala ɩ̃ ɩ a Naaŋmɩn Sɩɛ kʋ sɩ na a baafʋ, a sɛw na sɩ bar a sɩ mɩ̃ɛ kʋ ʋ ʋ naa tɔwrɔ sɩ.

A bala na ɩ a *Jeeju-Kirisi ben, de na a ba nɩrɛ wãa nɩ a ʋ yele vɩláa nɩ a ʋ mɩ̃ɛ bɔb a ba lãa kpa nɩ ba a *Kirisi.

A nɩbɛ jaa bɔ̃w na a ala na ɩ a ɩ̃gan buur tʋmɔ. A ɩ na a gã-ta-burbur, a tʋ̃-kpansɩ, nɩ a pebfʋ. A mɩ ɩ na a tɩbɛ-lofʋ, a tɩsɔɔlʋ̃ʋ, a ꞌlaar-taa, a faa-taa, a nyuur, a suur nyɛfʋ nɩ a yo-bɔb tʋmɔ. A mɩ lɛ ɩ na a kpee kpee ŋmafʋ, a jir-ƴɛrɩ̃sɩ, a nɩrɛ bom jɩɛlfʋ, a dãa kʋfʋ, a kpokpo dɩb dɩfʋ nɩ a yele ŋmɛɛ na wɔ̃ a lɛ. Ɩ̃ kpãkpana nyɩ na a mɩnɛ ɩ̃ na dãa de nĩe yel nyɩ, a nɩ-lɛ nʋmɔ ma nyɛrɛ sɔr kpɛɛrɛ a Naaŋmɩn fãw pʋɔ wa.

Yɛɛr, a ala ɩ̃ ɩ a nyɩmɩ ʋ, a Naaŋmɩn bʋɔl nyɩ na a nyɩ na sɔ a nyɩ mɩ̃ɛ, ɩ̃-cɛ nyɩ taa tɔɔ cow nɩ ɩ̃ maala a bom lɛ a nyɩ ɩ̃gan buur na bʋɔrɔ wa, ɩ̃ nyɩ́ ɛ̃ɛ tɛrɛ a nʋfʋ sũono nɩ taa.

A-na-ɩ a sɩ ɩ̃gan buur tɛrɛ na a tɩɛrɩ̃sɩ na lɩɛbɛ a Naaŋmɩn Sɩɛ ben, ɩ̃ a Naaŋmɩn Sɩɛ mɩ tɛrɛ a ʋ tɩɛrɩ̃sɩ na lɩɛbɛ a ɩ̃gan buur ben. A ana yele ayi ɩ na taa sama-deme, a saa tʋɔrɔ maala a ala sɩ na bʋɔrɔ wa.

A-na-ɩ a ƴɛr-kpɛn a jaa juu ɩ na: “Nʋnɔ a fʋ tɔ sʋbɔ a fʋ mɩ̃ɛ kaarɩ̃.”

Sɩ taa ɩ yo-bʋɔrbɔ wa. Sɩ taa mɩ bʋɔrɔ taa a gɔmɔ mɩɩ jɩɛlɛ taa a yele wa.

A *Kirisi faa sɩ na bar, a sɩ na sɩrɩ̃ sɔ a sɩ mɩ̃ɛ. Ala-ɩ̃-sɔ nyɩ́ ɩraa cĩcĩ a be, kɔ̃ lɛ lɩɛb kpɛ a gbãgba-tʋmɔ pʋɔ wa.