Popular Bible Verses from Ɛfɛɛsɩ Sɛbɛ 4

Share

Ɩ̃ nyɩ́ ɛ̃ɛ ɩ nɩ-sono, tɛrɛ nɩ taa a nã-bɔ̃wfʋ, bara nɩ a bɩɛfʋ jiir kʋrɔ taa, a mɩnɛ a Naaŋmɩn na mɩ bar a nyɩ bɩɛfʋ jiir kʋ nyɩ a Kirisi ɩnɛ.

Nyɩ́ ɩ nɩbɛ bala na wur a ba mɩ̃ɛ, ɩ nɩ nɩ-hɛlɛlɛ, tɛrɛ nɩ a su-nyɔwraa a daar a jaa, mɩ diere nɩ a bɩɛfʋ jiir bara kʋrɔ taa nɩ nʋfʋ.

Nyɩ taa wa ɩrɛ ƴɛr-kpana ʋ wa yire a nyɩ nʋɔr pʋɔ fɩ̃ɩ wa, ɩ̃-cɛ nyɩ́ ƴɛrɛ ƴɛr-vɛlɛ, a daar ʋlɔ na sɛw, a na maala a nɩbɛ a ba karɛɛ a ba ƴɔ̃w-nyãa pʋɔ, ɩ̃ sũono a bala na pɩɛlʼɩ̃ nyɩ.

Nyɩ́ bar a nɩrɛ pʋ̃ɔ ƴɔ̃wfʋ, nɩ a su-damfʋ, nɩ a suur nyɛfʋ a jaa. Nyɩ́ mɩ bar a gɔ̃-pɔɔr, a kpɛfʋ, nɩ a pʋ-to-tʋmɔ a jaa, a bɔr a nyɩ sɔ̃w.

A ala ɩ nyɩ wa nyɛ na suur, nyɩ́ tɛrɛ nyɩ mɩ̃ɛ kɔ̃ wa maal fãa wa. Nyɩ taa ɩ a mɔtɔ̃w ʋ wa mʋr pɔw a nyɩ suur wa, ɩ̃ nyɩ taa wa kʋrɔ a Satã sɔr ʋ kpɛɛrɛ nyɩ wa.

Ala-ɩ̃-sɔ, a sɛw na a nyɩ korĩ-cɛ maal-bie a bɔr, a ana korĩ-cɛ maalfʋ na dãa tɛrɛ a jɩɛlfʋ bɛlɛ nɩ nyɩ cere nɩ a wɛfʋ jie. A sɛw na a nyɩ sɩɛ nɩ a nyɩ tɩɛrɩ̃sɩ a jaa a lɩɛb ɩ yel-paala. Nyɩ́ lɩɛb maala a maal-bi-paala ala na tuure a Naaŋmɩn ben na mɩ yi a ʋ jie, tɛrɛ a torfʋ nɩ a cɛcɛ ɩfʋ ala na ɩ a yel-mɩ̃ɛ.

A Naaŋmɩn Sɩɛ maal nyɩ na a nyɩ ɩ bõ-ƴen, ala-ɩ̃-sɔ nyɩ́ bɔ̃w ɩraa a ʋna bõ-ƴen ɩfʋ pʋɔ tɛrɛ nɩ taa a su-ɓaar.

A ʋlɔ ɩ̃ mɩ po a nɩbɛ a ba tʋmɔ kpee kpee. Ʋ ƴɔ̃w na a ŋmɛɛ a ba ɩ *nɩ-tʋnɩsɩ, a ŋmɛɛ ɩ a Naaŋmɩn pʋ-tɩɛrʋ̃-bʋʋrbɔ, a ŋmɛɛ go lɛ ɩ a ƴɛr-son-hierbe, ɩ̃ a ŋmɛɛ mɩ lɛ ɩ a tɔtɔɔrbɔ, jaana nɩ a nɩbɛ. Ʋ po ba na a tʋmɔ a lɛ a mɩnɛ a ba na gbɛɛrɩ̃ nɩ a Naaŋmɩn nɩbɛ a ba na tʋɔ tʋnɔ a ʋ tʋmɔ, maala nɩ a Kirisi ɩ̃gan ʋ karɛɛ a ƴɔ̃w-nyãa pʋɔ, wa tara nɩ a lɛdaar a sɩ jaa na lãwna taa ɩrɛ bõ-ƴen a sɩ ƴɔ̃w-nyãa pʋɔ, bɔ̃wnɔ nɩ a Naaŋmɩn Bie ɩ̃ mɩ lɩɛbɛ ɩrɛ a nɩ-bɛrɛ na bɩ, wɔ̃ taa nɩ a Kirisi na ɩ a cɛcɛ.

A nɔhɔ̃, saa lɛ ɩrɛ bibiir a jaan-kpeesɩ na ma de vavire yʋɔrɔ nɩ a kʋ̃ɔ sɛsɛb kaarɩ̃ wa. A jaanfʋ ala ma yi na a bɛbɛlbɛ bala na kpɩl jie, bɛlɛ nɩ a nɩbɛ a ba bɔrɔ. Ɩ̃-cɛ a sɩmɩ, a mɩnɛ sɩ na ƴɛrɛ a yel-mɩ̃ɛ ƴɛrɩ̃ nɩ a nʋfʋ, sɩ na karɩ̃ na a yele a jaa pʋɔ a Kirisi jie na ɩ a juu.