Popular Bible Verses from Barua ya Varome 8

Share

Neese tiishi sheeli findo foose Iṛuva aaviaa valya vankundie fivaviaa fa usha foose, nawo vvalya vandevaangwa kasa andevaṛengia.

Kwa ikyo nammaa imanya deń sheeli na akwaa ni ufu lumakii itiraua ana ikaa na muu ana malaika ana veetoṛo ana veni finya ana kya iva nnu ana kivaa numa ana finya ya iṛuvewu ule ana ikee kwa si ana fikava fitane fingi foose, nta kiifo kimakii itiraua na ikunda li lya Iṛuva afikundie nalyo litilunganisie na Kristo Yesu Nndumi weru ndi.

Mfo kuro na Mumuyo ateelekiaa utanyari lweru, fulya fiteeshi kasa titerevaa. Kake Mumuyo atisalaliaa eetitereviaa na idia litavaa isenda.

Ifo foose tifireraań are? Iṛuva kankaa taari yeru, ni i ungi akee kwa ule yeru?

Kyasia alli lukiifo uumisio kwa valya vakee va Kristo Yesu ndi.

Makusaṛo a mikae ya nndu yo meni annde ufu, kake makusaṛo nndu akee ikusaṛa a mikae ya Mumuyo annde muu na unambwe.

Kake ngyukiveń iti toose tikee yengeṛia ivinga tielekio̱o̱ ni ito afikundie ise.

Amu llolie sheeli matuṛulo a mikonu ii ya alli nkindo ili tia-ṅaṅanisaa na unini lua tiluoruswaa na baa ndi.

Ni i naań atirauaa na ikunda lya Kristo? Mmavavio ana nngatara ana ni yumbutwa ana nsoto ana ni yenda kuri ana nkitani ana nshombo?

Nae ito allaa mirima eeshi makusaṛo a Mumuyo kasa akai, fulya atereviaa valya vakee va Iṛuva sheeli Iṛuva afurie.

Amu woose vairio̱ mbele mMumuyo wa Iṛuva iwo wwo vana va Iṛuva.

Amu valya vakuwaraa na mikae ya vvili wo vakusaṛaa findo fa vvili, kake valya vakee ikuwara na mikae ya Mumuyo wo vakusaṛaa findo fa Mumuyo.

Ye nta andeiria Mwana wamwi iriso ndi, kake andenniingia kiimba kyeru ti woose. Alemwaań itiavia ise wavi lwamwi loose andu emwi nae?

Mumuyo to muni andu emwi na mumuyo uu weru akee itirambua sheeli tikee vana va Iṛuva. Kwakooya tikee vana, kyasia tikeeń na vayadiṅu. Tikava vayadiṅu andu emwi na Kristo, kwakooya tikee iliswa ukiva andu emwi nae, naamu tindeniingwa na unini andu emwi nae.

Fulya makusaṛo a mikae ya nndu yo meni awore kituva na Iṛuva, fulya atairikie mavavaso a Iṛuva ana amakii iirikia ndi.

Amu foose fitani fiveree na usau wiingi fiivereaa unini lwa vana va Iṛuva ili lulolikaa na baa.

Amu tiishi sheeli findo foose fitani fikee andu emwi neese fiindiaa kiimba kya ilolia mavavio kumande alli.