Popular Bible Verses from Barua ya Varome 1

Share

Amu noore sonu ya nrumi yo ya Kristo ndi, fulya ikee finya ya Iṛuva ya ikiṛa valya woose vaikusuraa, lya mbele Vayuda na akwaa vVagiriki nawo.

Amu nrumi ii iiraa usumani luukie kwa Iṛuva. Nalo luavio̱o̱ ulya akuwore na ikusura. Nalo lurwaa nndu ikusureń, sheeli kikee kitisiṛe: “Nsumani akooyaa muu kiimba kya ikusura Iṛuva.”

Kiimba kya iki findo famwi kitaare fallolio̱ fikee ilolika kuuka isanga lintanwa yye na imanyika kwa vandu, amu llyo imakii lyamwi lya miṛeṛe na unini lwamwi. Kikava kuri kaaṛa vatave na kya ikuuta.

Fulya veeshi Iṛuva, kake vamwitikisa sheeli yye Iṛuva ndi ana nta imwaana. Kake varekia ifo iiṅaneń lyawo na mirima yawo ikasikio̱ ni llema.

Amu vandeilasha udede lwa Iṛuva lukava wongo, vakakwinitia kindo kitani na ikitereva andu a Mukitana aṅiniswa miṛeṛe na miṛeṛe. Amen.

Fulya uvave lwa Iṛuva lwamanyiswa loolokaa luuka iṛuvewu lushee vandu woose valya vabiṛie Iṛuva, vafungiṛia kilya kikee kya dede na ukasha lwawo.

Kwa ikyo Iṛuva andevatia valatie malanga awo a usutu. Na akwaa vvaka vawo vakailasha miṛundie ya kimia ikava miṛundie itakee ya kimia. Womi nawo mfo kuro vandetia miṛundie ya kimia kya uka vakakwantia milangie womi kwa womi veetanaa fa usutu vakakooya ifo mimanyień yawo mitaiye ya ureti lwawo kisumani nawo. Na sheeli vandelea iva na Iṛuva ifo imanyeń lyawo, Iṛuva andevatia valatie ngyuṛango tawo titamakii yeleka vatane kitaare kyeewwaraa vafitani.

Vakakureria wo veni sheeli vawore uṛango vakariṅana. Vakailasha tikisi ya Iṛuva atasiaa na fwana ya mikae ya nndu wa vandu asiaa na ya ndee na ya mafisi na faafuafuaa.