Popular Bible Verses from Urambuyo lwa Yohane 8

Share

Ili indefukya kiringisio kilya kya mfungare, iṛuvewu kukasiado do sha kyeenga kya saa.

Malaika ulya wa mbele kakaba wembe. Akava masaawe na muro usaandisaandi na usao fikaolokia isangeń. Na kyeenga kya kararu kya isanga kikaya na kyeenga kya kararu kya miri kikaya andu emwi na maṛe mashu woose.

Numa nalla naita ngoru imwi iirumbukaa karikari ka iṛuvewu iireraa na ununga unini: Ushi, ushi, ushi iwo valele isangeń kiimba kya ngyununga to tiseere ta mbembe ta vamalaika valya vararu vakusongosie ikaba.

Na malaika ulya wa kavili kakaba wembe. Na kindo kivakani na uro unini lwakie muro kikakumbwa nruveń. Na kyeenga kya kararu kya nruva kikava usao.

Na malaika ulya wa kararu kakaba wembe. Na nyinyiri nini ikaoloka iṛuvewu ikaaka muro sha taa. Nayo ikawoya feenga firaru fa maṛiko na ngyusookwa ta mura. Na irina lya nyinyiri ilya nKivawwo. Na kyeenga kya kararu kya mura kikavava nnu. Na vandu veengi vakafwa kiimba kya mura to, fulya uvavie kuri.

Na malaika ulya wa kaani kakaba wembe. Na kyeenga kya kararu kya saa kikakabwa na kyeenga kya kararu kya mwiri na kyeenga kya kararu kya nyinyiri. Na feenga fo fili firaru fikava llema, nsanyiń fitamulike kyeenga kyayo, na kio mfo kuro.