Popular Bible Verses from Barua ya Vaebrania 11

Share

Kyasia ikusura Iṛuva ni iverea filya fishaa kitaare kuwore inunua, fulya kitaare fallolika. Amu kwa ikyo vakuuku veru vanderambuywa.

Kake kitaare ni ikusura kivaa isenya Iṛuva ndi. Amu nndu aserikiaa Iṛuva kyawara akusure sheeli ye eefo na sheeli ataa valya vakee induya.

Ni ikusura lyatimanyisa sheeli isanga li lindetanwa nkirero kya Iṛuva, na kilya kilolio̱ na miso kimilie findoń filolio̱ ndi.

Ni ikusura lindekangia Abraamu airikie ili andevaangwa asamie urukeń luwie diṅu. Kasama ateeshi andu eendaa. Ni ikusura lindenteveta kakusamisia urukeń lua lwa kirekio sheeli akee mwini eekaa maemiń andu emwi na Isaki na Yakobo vakee vaya diṅu ilya andu emwi nae.

Ni ikusura lindeitika Noe ili andemaa iikimbwa ni Iṛuva kya findo filya fiseere kitaare fallolika, kasongosia isanduku lia inini, amu akiṛe valya va numba yamwi. Na kwa ikyo kaumisia isanga eekuwaraa na ikusura lyo kava muya diṅu ya usumani ikooikaa na ikusura.

Ni ikusura Enoki asamiswa atalolie ufu ana nta andekilolika lingi isangeń ndi, fulya ni Iṛuva andensamisa. Amu kitaare andesamiswa karambulwa sheeli asenye Iṛuva.

Ni ikusura Abeli andeutia nalyo Iṛuva nsimbika ukee nnuru kita ulya wa Kain. Karambulwa sheeli ni nsumani. Na Iṛuva muni karambua nsimbika wamwi. Na kwa ikyo lla kasa amfwe akiseere akee irera.

Ni ikusura na akwaa nSara muni andeniingwa nalyo finya ya ikufinga lla kasa eemmaa mikonu yamwi, fulya ande-kusaṛia sheeli ulya andenrekia wwa ikusurwa.

Amu eekee iverea muṛi utavaa iburua, amu ntana wayo ni Iṛuva.

Ni ikusura lindeitika Mose ili aṅina kalea ivaangwa mwana wa mfu wa Farao. Kasaua ituṛulwa andu emwi na vandu va Iṛuva kita ifura lyukie marekoń. Amu akusaṛa kuro: Iteendwa kiimba kya Kristo ni usimba lukilie masaa woose a Misiri, fulya andelanga maṛe a kwa Iṛuva. Ni ikusura lindensomuta kulya Misiri nta yeṛea uvaave lwa mangi, amu andekuwara na ulya atalolio̱ sheeli allolie.

Ni ikusura lindeeleka Abraamu lia andeelelio̱ ni Iṛuva aniingie Isaki ave kirasio, nae eekee mwana wamwi wa ngitani.

Ni ikusura lindeima Raabu ulya eeretwaa andu emwi na valya valea iirikia Iṛuva lla kasa eekee nka mwaaisi, fulya awaria vandu valya va saa na unambwe.

Kiimba kya ikusura Iṛuva vakaira nruveń ilya itondoṛie sha andu aumu. Na Vamisiri ili vandeelelia vakamiṛwa mmura.

Ni ikusura lindefukya-fukya muṛi ulya wa Yeriko, ili undemaa ilengetio̱ mikonu mfungare.

Kiimba kya ikusura Iṛuva kasongosia Pasaka na yaamba mboshi ta myaango usao, amu ulya aretaa uvele atarete uvele lwa Vaisiraeli.

Ni ikusura lindekangia Yosefu ili andefikia kufui na ufu lwamwi kasenda mboni ta isama lya vana va Isiraeli kavavasa kya mafua amwi.

Ni ikusura lindetomarisa Yakobo ili andefika kufui na ifwa kaniinga vana valya vavili va Yosefu mboṛa kavaterevia akwinyamiṛi na nsengye wamwi.

Ni ikusura lindeteveta Isaki kaniinga Yakobo na Esau mboṛa, na akwaa yya findo fishaa numa.