Popular Bible Verses from Efesioi 4

Share

Entaa tiatua ndai oopeny loobor, looata ngoshuak naanana, looing'uaikino anaa petung'aikia Engai ndai tiatua Kristos.

tʼenkitadounoto pookin o tʼemborran o tʼolng'iria, pinapakinono tiatua enyorrata

Njoo mepuku olderra torrono tʼenkutuk inyi, kake enara sidai, peaku enjetakinoto neisho looning' enjipai!

Njelakwaniki ndai erokan e oshoke pookin o olmurai le oshoke o engoro o enjangar o emoroto te nebo o entorroni pookin!

Emigoro, pemintarruoruo; eminjo edoiyo engolong', iatata engoro! Eminjo si satan eng'asiata!

Onaa, entautu oltung'ani musana tʼorregie lenye lʼelukunya, loiminye kion tʼolng'warra lʼeng'uyan, niakuku ng'ejuko tiatua Olmumua loo ndamunot, ninjopishopo oltung'ani ng'ejuk oitobiraki tʼemua Engai tiatua esupato o esinyatishu o esipata.

ninyokinyoko aaibung' enaboishu Olmumua tiatua eenet eseriani.

Eishoo ninye, peaku ematua lairriwak o ilkulekai layolounok o ilkulekai lainosarok loo lomon lʼeng'ida o ilkulekai lairritak o laiteng'enak, peaku sinyat looidim aaitobira enkyas enkisyayare, pesheti osesen le Kristos, metabana nikilep yook pookin atua enaboishu enkirukoto o eyolounoto Oinoti lʼEngai, pikiaku leak ootabaitie nikibaiki entemet embotoro nalulung'a e Kristos

pimikintoki aaku nkera, pemerikiriki yook idye o idye tʼolkutati pookin lʼenkiteng'enare tiatua olosek loo ltung'anak o tiatua esungureishu, peaku emputokinoto enkitamanimanaroto, kake pikiata esipata tiatua enyorrata nikibulu tiatua ninye lora elukunya, Kristos, too mbaak pookin