Popular Bible Verses from Ilkolosai 2

Share

Anaa pitang'amutua Olaitoriani Yesus Kristos, neijia entilimanata tiatua ninye, niunokinono, nishetakinono tiatua ninye tʼenkirukoto nagol, neijia anaa peiteng'enaki ndai, niponana aaliki ashe te ina.

Eng'orai, pemeitamanimanaa ndai oltung'ani tʼenkiteng'enare arashu tʼempesho elejare tʼerisioroto eng'amunoto oo ltung'anak, o noo rregieita lʼolmaa, neme tʼeyeunoto e Kristos.

Einyeye si ndai te ina kata nituata tiatua nkitarruot o tiatua enkiring'o inyi nememurata, neisho ndai empuan te nebo o Kristos, etapalaka yook nkitarruot pookin, nejut esirata naitang'oro yook, nataa too nkitanapat neibok yook; kake etoshoroiye ninye nesheiki esalaba

Amu emanya tiatua ninye emborei pookin engaishu anaa osesen. Nirara ndai baiarot tiatua ninye lora elukunya enkitoria o engolon pookin.

Eminjo eigwenakinye ndai oltung'ani endaa arashu enaoki arashu ngolong'i kituak naaje arashu lapaitin lʼenkibor arashu ngolong'i e sabato; ore kuna baak, naa oloip loo ntokitin e akenya; kake ole Kristos osesen.