Popular Bible Verses from SABURI 103

Share

Woi nrima wakwa arafuma Nndumi Iruva, Nta kularekyo ilyillya lyakwe lyoose-fo.

We mmbwe akufwaayaa ulyamari lwafo loose Kakushiisa ndwari tafo toose. Kakyira muu wafo ulandeerekya kifuny Kakuvika ureto lwa ilyillya na ikukyiyya. Kawuutisa ukuu lwafo mesha. Kwavauka kwawuya nkoo sha ngoru!

Woi nrima wakwa arafuma Nndumi Iruva; Ee-da, fyoose fikee nnang'ani yakwa, Fyaarafumi irina lyakwa yeele.

Na shaasa ndeye wa nndu alyillya vana vakwe, Nnyendo Nndumi Iruva alyillya yewo vamwereiye.

Na shaasa taari ya ngama ikee kwaasha na taari ya nkwaany Nnyendo avikye ngyulyamari teeru kwaasha neese.

Nndumi Iruva eeshwe isarya na ikiiya; Nnyarooywa nngoo uviny-fo, mmbo eeshwe ilyillya.

Nta nnyalelutyannya kiinani na urekwa lweru-fo, Nta nnyalelutaiya kinani na maravi eru-fo. Mashika shaasa ngina irooye uwe ya uruka Ni indo da ilyillya lyakwe lyikee iniini kwa yewo vamwereiye.

Nndumi Iruva mmbo avikye kitima kyakwe kya usuri efo iruveu; Na umangyi lwakwe lukaitorya findo fyoose.