Popular Bible Verses from FYAASO 3

Share

Vika Nndumi Iruva nsia na nrima wafo moose; Nta kulavike nsia urango lwafo-fo. Manya Iruva mashoreny afo moose, Nawe asheorrwaa miko yafo myoose.

Kulakulollye yewe kumuni sheelyi kutiri urango-fo; Indya Iruva kukwiise na uravi.

Indya Nndumi Iruva na masaa afo Na fimu fya mbee fya marema afo moose. Llyo mbeshe tafo tishiishwaa shoonnga, Na mindi yafo iishwe fyeena.

Wiindi na usaari filalakani neewe! Kufifingye singony yafo; Fireiye ngoony yafo.

Mwanakwa, kulainyale ikoomyo ni Nndumi Iruva Nta kulasue isakirwa mmbwe, Mashika Iruva llimbi mmbo akyeemyaa ulya ankundye, Sha ekyi ndeye a nndu akyemyaa mwana ankundye.

Mwanakwa, kularekyo ufundo lwakwa. Indi tira mavavaso akwa na nrima wafo moose, Mashika ashekuniingaa mikonu miingyi Muu mwaasha na iviiri.

Ngoma nndu ammiitumuso urango usha Nndu yeto akooya imanyisywa Urango usha ni kindo kinuru ngota fesa, Mmbo lutiri mbusha ngota saabu. Urango usha ni kindo kisha ngota wo kindo kya uuru; Nkwiifo kindo kulangaa kiilanyi-fo.

Kulaimi nndu akundye weekyi lwafo ngarami Kwakooya kutiri wiidimi lwa itana indo.

Na urango usha Nndumi Iruva mmbo evika uvasha lwa ulana; Na urango katumarisa iruveeu.