Popular Bible Verses from ISAYA 45

Share

Na yeny shishekuningaa ulyilyi lusurumi ireeminy, na usimba lusurumi ando a kirika naambo kumanyi sheelyi ni Nndumi Iruva, shilekuvaanga na irina lyafo, ee da Iruva wa Israeli.

Nsheendaa mbee yafo sheeremute ando kukasha, shipapare myaango ya minya na ifishafisha malungo a vayo.

Yeny ni Nndumi Iruva, nta kuleefo ungyi mmwaasi yakwa nkwiifo Iruva ungyi-fo. Shishekuvikaa ukova lla neelyi shaasa kulashiishi. Naambo vamangyi uka taari ya ngama fika taari ya nkwaany vamanye sheelyi nkwiifo mwaasi yakwa yeny ni Nndumi Iruva, nta kulaifo ungyi.

Ni yeny shatana sa na ireema na yeny sheende na urumato. Yeny ni Nndumi Iruva shitanaa efyo fyoose.

Shiloleny yeny naambo mushekirwa eni masanga woose; kimmba yeny ni Iruva nta kulaifo ungyi.

Yaandi nng'u marero Nndumi Iruva avia Koreshi, mesia wakwe, ulya antiri woko lwakwe usha, naambo nashilye masanga moose mbee yakwe, na yeny shisheelelyisa finya ta vamangyi na myaango myoose isheruuka mbee yakwe, nta nnyisheraywaa-fo

Ni yeny shimuni shilelya mboo; kirero ekyi nkileuka kaniny kyakwa kya usumanu, nta llyishewuyaa-fo kyeamba sheelyi, “Mbee yakwa vo nndu ashefiiryaa ndi na wo ulumi lusheamba paa.

Kimaruma kya Yakobo, ishinga lyakwa, na Israeli nsauwe wakwa shilekuvaanga na irina lyafo, shakuniinga irina lyitiri itumbe, lla na shaasa kulare kuleshimanya.