Popular Bible Verses from ISAYA 43

Share

Lola shikeetana kindo kiiya ulaalu kishemyaa. A ndesa mmushemamyaa ulaalu? Shishesongosya shia efo ando kuumu na eende mira efo kasa koomu.

Naakwa kweera mureny mwiingyi mmbo nshevaa ando amwi neewe, naakwa ni efo mireny miniini, nkusheekaafo. Kweerwa murony nkusheyaa-fo nta muro wa kipalapala mmbushekumamitaa-fo.

Mulakumbwe mbony tilya ta mbee nta itisununda.

Kya indi ulaalu, Nndumi Iruva alekuumba ewe Yakobo, we alekutana yewe Israeli, mmbo aamba indi, “Kulairyee mashika mmbo shilekukira shilekuvaanga irina lyafo, ewe ni wakwa.

Kimmba kukee wa uuru nnu misony akwa na nndu wa iindywa, na yeny shakukunda. Kimmba ni indo mmbo nsheutaa vandu kimaruma kyafo, na ngyufyari ta vandu kimaruma kya muu wafo.

Mashika yeny ni Nndumi Iruva, Iruva wafo, mweele wa Israeli, nkira wafo. Nshileuta Misri ive ukiro lwafo, na Esopia na Seba kimaruma kyafo.

Kulairyee, mashika yeny shikee neewe; shisheendee va ngyeeri yafo uka taari ya ngama, shishekusanyirya uka taari ya nkwaany.”

Yeny, eeda, Yeny mmbwe shisheilyisaa ulyamari lwafo kimaruma kyakwa yeny shimuni nta nshishekikummbwaase ulyamari lwafo-fo.

“Yeni ni vakureekyi vakwa” Nndumi Iruva aamba indo, na ishinga shilesauwa naambo mumanyi. Na ikusirya na iitumuso kya dede sheelyi yeny NIWE, kulaore shenkaafo nkweifo Nndumi Iruva ungyifo, nta numa yakwa yeny nkushekaafo ungyifo.

Yeny, ee-da, Yeny ni Nndumi Iruva mmwasi yakwa yeny, nkwiifo nkira-fo.

Ee-da, ukya nkonu wa inu, yeny ni we, nta nkwiifo ashidimaa yuuta kindo maakony akwafo; yeny shishetanaa mashora, a mmbi ndesa ashidimaa ishiima?

Mafisi a ngoroshony asheshiindyaa Yeny naakwa ni mabarwe na nyaa kimmba shambaniinga mura efo kasa koomu na mifongo naambo iniwa ni vandu wakwa, vasauwe vakwa. Vandu valya shilevaumba, nshilevaniinga mumuyo wakwa naambo vavambise irina lyakwa.

Shivie taari ya ndoo, “Lekeiya” na taari ya sinde, nta kulashifinngyeshia-fo. Endeny vana vakwa uka kwaasha, na sambura takwa masiiyo ya uruka. Wo nndu akee mbaange kwa irina lyakwa, yeto shilemuumba kya usuri lwakwa, yeny mmbo shilemuumba, ee-da, ni yeny shilentana.

Nndumi Iruva mmbo aamba indi, “Yeto aruuya shia efo yeeveny na ando a iira efo mireny miniini. Auta frasi na mitika, nsemu wa vasikari vatiri finya valala, mmbakyikwiipo-fo vanrumatwa sheelyi kwarumya uruu lwa taa.”

Yeny ni Nndumi Iruva mweele waany, muumba Israeli, mangyi yaany.”