Popular Bible Verses from ISAYA 41

Share

Kulairyee mashika yeny shikee ando amwi neewe, kulasavae, mashika yeny ni Iruva wafo. Shikuniingaa finya, eeda, shikwekyaa, ee shikutiraa na woko lwakwa usha lutiri wiidimi.

Mashika yeny Nndumi Iruva, Iruva wafo shikutiraa woko lwafo usha shikuviaa, “Kulairyee, Yeny shikwekyaa.”

Lolate, woose valetirwa unyafi kimaruma kyafo vashewoo na isuka, valya vakwesaa neewe nta nkushevalollyaafo, mmbashemamikaa.

Ni yewe shilekutira ukya masiyyony a ulana shikuviaa, “Yewe ni ishinga lyakwa shilekusauwa nta nshikuraafo.”

Kusheruuya yewo vekabana neewe nta nkushevalollyaafo; mmbo vashemamitwaa vave nshi kindo-fo.

Kulairyee Yakobo kukee sha ikuru, neeni vandu va Israeli, yeny nshamweekyaa, “Ni Nndumi Iruva aamba; na nkira vafo ni mweele wa Israeli.

Neewe Israeli, ishinga lyakwa, Yakobo shilekusauwa, mwana wa Abrahamu, mbuya yakwa.

Shisheruyaa mira yuuka efo mafumbuny na ngyusoka nnang'ani a mamungo, shishealashaa ando oomu pony ave maruva na ando asheekaa mira.

“Ngwera na vaturi vakeruuya mura, nawo mmbakewonisa-fo; ngyulumi tavo mmbo tamuuma pony. Yeny Nndumi Iruva shishevaaranyaa, Yeny Iruva wa Israeli nshishevara-fo.

A mmbi alemmidima itana indo? Mmbi alevaanga ngyeeri shoose ukya elyo mapookyony? Ni yeny, Nndumi Iruva, shikee wa mbee, mapookyony na llung'anu, yeny mmbwe.

Shishemiisaa ando oomu mieresi, nshita mhadasi na miri ya mafura. Efo kasa shishemiisa fisile mtidhari na mteashuri. Naambo valollye, vamanye, vakusare na iitumuso sheelyi woko lwa Nndumi Iruva lwatana indo. Mweele wa Israeli mmbwe atannyi fyoose.”