Popular Bible Verses from MWIILOSHA 11

Share

Fura yewe mwana nkoo fura kya ukoo lwafo. Kyesa nrima wafo kyeeri ekyi kya ukoo lwafo. Niinga ekyo nrima na miso afo akunndye, lyo kummbwa sheelyi Iruva mmbo ashekuutya uvingo kyuuka na mitannyi yafo.

Era neefo maariso a nrima wafo kwiise mwiili wafo ulashevavywa mashika ukoo na mafurumyony a muu yeu fyoose ni maariso.

Mwiivereya uraato, nnyavaaya mbeu-fo, Na mwiivereya mafishi avivitwa, nnyashuululaa kindo-fo.

Ndesa kuleeshi ngata muu waanga efo mafweny a mwana akee nsangeny wa maye-le, niindo nkushiidimaa imanya mashora a Iruva eto atanaa wo kindo-fo.

Vaaya mbeu ngama na nkwaany kulalemi ivaaya-fo, mashika nkwiishi ntingati timmya-fo nta ngama nkwaany, ao shoose tishekooya iva shisha.

Ava waavi lwafo kwa vandu mfungare ao nyanya, Mashika nkwiishi kindo kishiidima iwoya ulana ndesi-fo.