Popular Bible Verses from NKUMBUYE WA UVAVASO 28

Share

Kwakooya kwaarannya unyanga lwa Nndumi Iruva, Iruva wafo na nrima umwi nsi, neesora mavavaso akwe yaa nkeekuvavasya inu, llyo Nndumi Iruva wafo ashekung'anisaa ngota masanga engyi moose a ulaniny

na mbora eti toose mmbo tikusoraa elyi kwaarannya unyanga lwa Nndumi Iruva, Iruva wafo.

Nndumi Iruva, ashekuvikaa nsongoru nta nshi wa numa-fo, neewe mmbo kusheroswaa uwe nta kulashoolokaa, kwakooya kwaarannya mavavasyo a Nndumi Iruva, Iruva wafo yaa nkeekuvia ulaalu, naambo kwaaringe

Nndumi Iruva mmbo ashekuboromuyaa masaa efo iruveeu, kuwone mmbwa kyeeri kya vayo, navikye mbora mashora moose a maako afo, neewe kwiidimi yaakuya vengyi findo, lyo yewe kulashakua.

Nawe Nndumi Iruva, Iruva mmbo ashekyaa naambo vakiduva vafo vakapwa kwiilollye; mmbo vakusheyaa na shia imwi lyo varishe na shia mfungare.

Na Nndumi Iruva, mmbo ashallwaa mbeshe tafo, titire shoonga kyeeri kyoose, na mashoreny afo moose na uruka elo Nndumi Iruva, Iruva wafo akuningaa.

Mmbo kuvikyoo mbora kwiishangaa na kwiisomukaa.

Mmbo kushevikyoo mbora efo muriny kwafo neefo mareminy afo.

Ngyeeri tafo mmbo vashevikyoo mbora, na fimu fya uruka lwafo, na findo fyafo fyeevikya, ng'umbe na moonri afo.

Neeni Nndumi Iruva ashekwaallwa isanga yeele shaasa alekulyiyya mboo, elyi kusheringaa mavavaso a Nndumi Iruva, Iruva wafo neelatya shia takwe.

Na kikapu kyafo na kiiya kyafo kyeevika nswa.

Nndumi Iruva, mmbo ashekuniingaa ngoma yewe na vana vafo na findo fyafo fyeevikya, na findo fya uruka lwafo, efo urukeny yelo Nndumi Iruva, alevikya vande vafo kyaasa.

Na masanga moose mmbo vashekwereyaa kimaruma kya irina lya Nndumi Iruva.

Mukanra mulamina marero yaa nkeemuvia inu nta yeevekya kunu ao kulya, ilatya maruva engyi.

Lyo kwankooya kulore kwaarannya unyanga lwa Nndumi Iruva, Iruva wafo neetana shaasa mavavaso akwe akoora, llyo fidengo efi fyoose fishekusheyaa.