Popular Bible Verses from 2 VAMANGYI 20

Share

“Wuya kundevia Esekia nsongoru wa vandu vakwa, Nndumi Iruva, Iruva wa Davidi, we ndoo aamba indi; Shammiita fiterewo fyafo, shalollya na misoru yafo; lola shikushiisa, na nkonu wa kararu kushesaama na yefo mmba ya Nndumi Iruva.

“Shakutereva, woi Nndumi Iruva, kukummbwe ulaalu, myeengye yakwa usanguny lwafo na ngata shilerunda kya dede na usumanu yefo mashoreny akwa na yewe kumuni fikakusennya” Esekia kafua nnu nnu.

Fyeeri yefyo mangyi Esekia kalwaa kufii na ifwa, nkisuku Isaya mwana wa Amosi kansheya, kammbia Nndumi Iruva, aamba indi; “Songosya mbony ta mmba yafo kukeefwa nta nkukeekya-fo.”

Mmwasi shishekwengyeryaa suku tafo andu a myaaka ikumi na iraanu na yeny shishekukira yewe na muri yeu na finya ya mangyi ya Ashuru, shisheringa muri yeu kimaruma kyakwa na kimaruma kya Davidi nndundi wakwa.”