Popular Bible Verses from 1 TIMOTEO 6

Share

Kapana fira yeyo sheele ya iirikyo, tira muu eto wa llung'anu kukee mmbaangye, kutani kulekureeka ukureekyi llwa usha mbee ya vakureekyi veengyi.

Mashika kimayeny kyiwi ni kya uravi lwa wo ngata ni ikunda fesa, nayo elyi vengyi vanyiilanga nnu vakalakana na iirikyo, neekwaatara na mavavyo meengyi.

Kyaindi usaari na ira ifwaiya mmbusha niini.

Mashika llulesha na kindo yaa ulaniny-fo, nta llushukaa-u na kindo-fo

Yewo vakee masimba yaa ulaniny yelu vavie valakushope-fo, nta valakusirye usimba elo lulakee lwa dede-fo, kyaindi vavike Iruva nsia yeto aluniinga findo fyoose shapu naambo lurunde nafyo neefura.

Indi yewo valangaa itira masaa mmbo vawee nreiyony na fyeesony, na langony shiingyi tilatiri nrwe, tivavisaa, yeto tirwaa vandu uretiny na urumatony.

Vavie vatani mesha, vave masimba kyeetana mesha, vavetira maako iniingya masaa awo, vasange na vandu vengyi veetiri nrima mwaa. Ni indo vasurumi umasi usha efo lukeenda nafo, vashewonisaa muu yeto ukee wa dede deny.