Popular Bible Verses from 1 VAMANGYI 3

Share

Kweekyoo mmbo, Shakutereva kushiniinge yeny ishinga lyafo nrima wa urongo naambo shiidimi ileta vandu vafo, shiidimi imanya mesha na makasha, mashika mbwovi ashiidimaa ileta vandu vafo eva vafye indi?”

nasaany, kiterewo kyafo kyamma yiirikyo. Shakuniinga urilalyi na urango kuleefo nndu ungyi alemmbonisa mbee yafo, nta nalakaa ashe numa yafo akuvakye yewe.

Nawe kammbia “Kimmba kwatereva usumanu lwa ishillya, nta nkwatereva kya muu mwasha ao umasi nta nkwatereva urumato lwa vakiduva vafo, indi kwatereva ileta vandu na iwatannya dede

Na lyingyi mmbo shikuniinga filya kulaa kwatereva; mmbo kuvaa isimba na yiindyo, kwiilanyi mangyi tingyi shoose kyeeri kya ushilyi lwafo.

Na lyingyi kwallatya shia na mavavaso akwa ndesa ndeye-afo Davidi etana mmbo shikuniinga muu mwasha.”

Solomon ekee kulya Gibeoni; Iruva-Munifinya kansheya na yoorya elyi kio, kammbia, “Tereva kindo kukundye kyoose na yeny nshekuniinga.”

Woi Iruva-Munifinya, Iruva wakwa, yeny ishinga lyafo mmbo kuleshiniinga umangyi ando a ndeye wakwa Davidi, naakwa nnyeli shikee mwana n-ndu, nta shileeshi ngata ya ishillya.

Iruva Muni finya kasennyo ni kiterewo ekyi kya Solomon.

Solomon kammbia, ndeye wakwa Davidi, ishinga lyafo, mmbo “kwemoora ikunda iniini kimaruma kya ikurundya mashora mesha, kava nndu nrilali na mwiitana fya dede. Na yewe kweengera-se inkunda kutani kwashemmbonisya mwana kashekaya kiri kyakwe kya ushilyi.

Na yaandi kwashivika nnang'ani ya vandu vafo kuvasauye yewe kumuni, vandu veengyi valavaa nta imanyika yeekyena lyawo.