Popular Bible Verses from 1 VAMANGYI 18

Share

Woi Nndumi Iruva kushaarannye, kushaarannye naambo vandu eva vamanyi sheelyi Yewe mmbwe Nndumi Iruva, mmbwe Iruva, na lyingyi vamanye ni yewe kwavaalasha mirima yaawo vakwaalukye yewe.

Kikafika kyeeri kya iniingya kiraso kya nkwaany, Nkisuku Elia kaserikya kufii, kaamba, Woi Nndumi Iruva wa Abrahamu, na wa Isaka, na wa Israeli, inu kimanyike sheelyi yewe mmbwe Iruva kunu Israeli na yeny ni ishinga lyafo, efi fyoose mmbo shafitana kwa irero lyafo.

Naasa Elia kasalala kufii na vandu woose, karera kaamba, “Mmutirwaa nnyinyira nnag'ani ya makusaro avii kufikeindii? Kimmba Nndumi Iruva mmbwe Iruva llatyeny mmbwe; indi kyasia kwakooya Baali mmbwe Iruva llatyeny mmbwe.” Vandu valya vakassyado sau.

Llyo muro wa nndumi Iruva ukaoloka, ukamamita kiraso kilya kyeemamitwa, na ngwi, na mawe, na kilulyi, muro ulya ukakomba-u mura ulya wekee kulya nsukeny.

Na vandu woose vekalollya vakawa-si kifuli-fuli, vakaamba, Nndumi Iruva, mmbwe Iruva, Nndumi Iruva mmbwe Iruva.

Lyikifika ka-mfungare kaamba, shilolye ifishi kulya Yeeveny nalo lyifye sha kidau kya woko lwa nndu. Karera kaamba endavia Ahabu Vaitike mmbwa ilashenkooya imwiimi yooloka.

Woko lwa Nndumi Iruva lwekee taari yakwe Elia kakwiishava kyuumi kaangusya kakooya ifika kulya Yezreeli kulare Ahabu amfika-fo.

Nawe Elia kavia Ahabu, Naasan! Kwiipo kwalya, kuni, mashika kwiitiwa Yoona iniini lya mmbwa.

Kavia ishinga lyakwe, Ulaalu saama kwalola taari ya Yeeve. Kasaama, kalola, kaamba nkwiifo kindo-fo. Nawe kammbia enda lyingyi ka matorito mfungare.

Naasa Elia kavia vandu woose, Oshony na kufii, Vandu woose vakallatya, Kareiya kitara kya irasya Nndumi Iruva.

Neeni mutereve kwa irina lya iruva waany, na Yeny shitereve kwa irina lya Nndumi Iruva, Iruva yeto ashoolota muro, ave mmbwe Iruva. Vandu woose vakaamba marero yaa ni mesha.

Elia kasangirya mawe ikumi na avii kwa meekyena a vana va Yakobo, ulya alesheyo ni irero lya Nndumi Iruva kavyo irina lyafo ni yewe Israeli.

Kwiikifika kyeeri kya taari ya nkwaany, Elia kavakapa manganga kavavia, Mmbaangeny kwa unyanga waasha, mashika eto ni iruva, kishiidimika eefo areraa na vandu vengyi, ao atiri mashora meengyi, ao akee kyaarony, ao alele rony, kuti mumwaante.

Nawe kasongosya kitara kya irasya na mawe yoo kwa irina lya Nndumi Iruva, kasuma nsuka wamaa iletya mbeu sha madeve avii aleringitya kitara kilya.