Popular Bible Verses from 1 YOHANE 3

Share

Vana vakwa vadu, lulakunde na marero-fo nta na ulumi-fo, lukunde kya dede na itana indo.

Yaa nng'u lwamannya ikunda, mashika we mmbo aleniingya-u muu wakwe kimaruma kyeru, neese mmbo kilukooye luniingye muu weru kimaruma kya vana-vana veru.

Loleny-te, shaasa Nde aleloora ikunda lying'ani, yese lukooye ivaangwa vana va Iruva; neese ni indo lukai. Lyo nta ulana llulelumanya-fo, shaasa lulera lulammanya We.

Mwitana ulyamari ni wa Satana; mashika Satana ni mwiitana ulyamari uka elyo mapookyony. Nkyo kileende Mwana wa Iruva kasheorwa paa naambo nasherumata mashora a Satana.

Wo nndu akee mwiire ni Iruva nnyatanaa ulyamari-fo, mashika yewo wakwe mmbo vakaa nnang'ani yakwe; nta nnyashidimaa itana ulyamari-fo mashika mmbo awonikye kyuuka na Iruva.

Naasany, kwakooya nndu atiri kindo kya ilya, kawuya ilollya mwanamaye ekee nting'i nishoonga nawe kara nalallyillya, a ndesa ikunda lya Iruva lyiiyo kwa nndu yeto?

Na yeto mwiringa mavavaso akwe mmbo akaa nnang'ani yakwe, nawe Nndumi kakaa nnang'ani yakwe. Kimaruma kya efyo mmbo lwiishi mmbo akee nnang'ani yeeru kwi Mumuyo yeto aleluniinga.

Kimaruma kya ekyo vana va Iruva mmbo vamanyikye paa, na vana va Satana kiwo. Nndu moose nalatanaa fya usumanu nnyaukye kwa Iruva-fo, nta yeto nalakundye mwanamaye.

Mashika ekyi nkyo kindo muleita uka mapookyony, kya yaamba lukundani luveni na veni.

Vanavama, mulasheifulukywa kwakooya ulana lwamuswa.