Popular Bible Verses from 1 YOHANE 2

Share

Mulashekunda ulana nta findo fiifo-fo. Kwakooya nndu akunda ulana, yekyo kya ikunda Nde nkyikee nnang'ani yakwe-fo. Mashika wo kindo kyikee ulaniny, nto lango ta mwiili na lango ta miso, na ikurosa kya muu yeu, mfyuukye kwa Nde-fo, mfya ulana elu.

Na ulana elu mmbo lukee iira ando amwi na lango ta vayo, kyaindi yeto mwiitana filya Iruva akundye mmbo ashekaa-u fika llung'anu.

Yeto ashambaa akee nnang'ani yakwe, mmbo kinkooye we muni nave shaasa we Kristo ekai.

Vana vakwa vadu, mmbo shikeemureiya efi naambo mulashetana ulyamari. Kwakooya nndu atana ulyamari lutiri Mwiluterevya kwa Nde, we Yesu Kristo muni usumanu.

Yeto ashambaa, shammumanya, lyo kara nalaringa mavavaso akwe, mmbo akee mwoongo, nta dede nnyikee nnang'ani yakwe-fo.

Kya ekyo yese mmbo lwammumanya, elyi lwaringa mavavaso akwe.

Yeto aamba mmbo akee seny, indi kaswa mwanamaye, yeto mmbo akee ireeminy fika ulaalu.

Ni vi yeto akee mwoongo kuuta yeto akanaa sheelyi Yesu ni Kristo? Yeto mmbwe mwilema Kristo, yeto mwikana Nde na Mwana.

Yeto moose akana Mwana, nnyatiri Nde-fo, na yeto erikya Mwana mmbo avetiri Nde.