Popular Bible Verses from 1 VAKORINTO 12

Share

Lyo wo umwi mmbo akee nninge urambuyo lwa Mumuyo kya yeekyana.

Naasany yeni mmbo mukee mwiili wa Kristo, na filungo wo kimwi ando a vayo.

Kyuungo kimwi kwakooya kyavavio, na fingyi fyoose mmbo fivavioo nakyo. Na kilya kyarumishwa, efyo fingyi fyoose mmbo fifuraa ando amwi nakyo.

Mashika kyeendwa Mmumuyo nndu umwi mmbo aniingwa irero lya waarya, na ungyi ni irero lya urango shaasa Mumuyo yeto akukundya muni. Ungyi kasimbwa kyikusiryo ni Mumuyo yeto mweni; na simbo yeeshisa aniingwa ni Mumuyo yeto mweni. Na ungyi ni mashora a ngyende; na ungyi ni yaawuya fisuku, na ungyi ni yaavanisa mimuyo, ungyi kasimbwa ngata ta fishomu; na ungyi ni itambashwa fishomu.

Kyaindi mashora yaa moose ni Mumuyo yeto umwi nsi, eshaviaa o nndu umwi umwi shaasa akukundya.

naambo kulakae-fo urauko mwiiliny, naambo fyuungo fyeekyani wo kimwi na urooye.

Naasany simbo titiri kilasha; kyaindi Mumuyo ni we muni. Lyingyi ifurukana lyitiri kilasha, na Nndumi lyo ni yeto muni. Kukavekaa-fo na kilasha kya mirundye mashora, kyaindi Iruva niwe yeto muni arunda mashora nnang'ani ya woose.

Na Iruva mmbo avikye varundi kunu siriny, va mbee ni varumi, vakavii ni veawuya fisuku, va kararu ni veelosha, vengyi ni ngyende, vengyi ni simbo teeshiisa vandu, vengyi va yeekyana, na uteteri na ngata ta fishomu.

Mashika mwiili nshi ilungo lyimwi-fo, mmengyi.

Na mmwasiny deny fyuungo filya fya mwiili filya filollyo mfifwafwa mmwasi mfyo fitiri mashora kilanya.

Kukooye mwiili moose wevaa iriso, mmbo lweshitaa inda? Ao kukooye moose wevaa kuri, mmbo lweefwamyaa inda? Nkyo kimaruma Iruva evika-fo fyuungo fyoose wo kimwi mwiiliny shaasa alekunda. Mashika lyo kukooye fyoose fyekee kyuungo kimwi-nsi, mwiili mmbo wevaa inda?