Popular Bible Verses from 1 MBONY TA FYEERI 16

Share

Latyeny Nndumi-Iruva, yeto atiri finya, latyeny Nndumi-Iruva kyeeri kyoose.

Aniny Nndumi-Iruva, kimmba akee mfoo, mashika isarya lyakwe ni lya llung'anu!

Niingyeny Nndumi Iruva kiraso, ambeny uniini lwakwe, vieny masanga findo atannyi!

Fureny kya irina lyakwe yeele; vafure yewo veiindya Nndumi-Iruva.

Kummbweny mitannyi yakwe ndesa ing'ani, weeresi lwa vayo, na mirumbuye ya usumanu

Kapeny nndoro, murumishe Iruva, mumwiimbyeny, ambeny kya mitannyi yakwe ndesa ing'ani!

Mashika Nndumi-Iruva ni mmwasi kailannya, ni kuti nainndyo kilanya ya maruva engyi moose.

Indyeny Nndumi-Iruva, na usuri lwa irina lyakwe, endeny firaso yefo mmba yakwe, Fiireny-ndi yefo kweele kwa Nndumi-Iruva.

Usuri na umasi taari toose, ushilyi na ifura fikaishura mmba yakwe.

Imbyeny Nndumi-Iruva, ulana loose. Ambeny mikonu myoose mitannyi yakwe ya ukiro.

Ongoyeny masanga usuri lwakwe, vieny vandu woose mitannyi yakwe ndesa ing'ani.

“Mulashepaana vasauwe vakwa; mulakape vakisuku vakwa!”

Maruva a masanga engyi, nshi kindo-fo; indi Nndumi-Iruva kaumba nginii-u.

We kyaasa kyakwe nkya llung'anu, kaindya mbony yakwe, kwa ngyeeri fiku.

Fureny yeni nginii-u na ulana! Vieny masanga, “Nndumi-Iruva ni mangyi!”

Lurumishe Nndumi-Iruva, Iruva wa Israeli, kupookya llung'anu na llung'anu! Na vandu woose vakaamba, “Amen!” Vakarumisha Nndumi-Iruva.

Indyeny Nndumi-Iruva, yeni vandu woose, indyeny usuti na wiidimi lwakwe.